လွမ်းတတ်လာတဲ့..တစ်နေ့

* မိုးတစ်စက်ဖြစ်ဖို့..မိုးတိမ်ဘယ်နှအုပ်စတေးခဲ့ရသလဲ ?

   ​​ဝေခွဲမရဖြစ်မှုများနဲ့ ခေါင်းစားတယ်...

   ဟောင်းမသွားတာဆိုလို့..အလွမ်းများသာ...

   ဒိုင်ယာရီစာအုပ်လေးကတော့ဝါကျင့်ကျင့်ဆိတ်ငြိမ်ဆဲ..။

* အချစ်တစ်ခုတည်းနဲ့ အသက်ရှင်ချင်တဲ့သူတွေထဲ

   ငါ့ကိုဆွဲဆွဲ မထည့်ပါနဲ့...

   ငါ့ အလွမ်းနဲ့ ငါ လိပ်ပြာလုံချင်လို့ပါ...။

* ရင်တွင်းမှာ ဗလာခံစားချက်နဲ့

   အေးစက်နေသူတွေ ဘယ်လောက်ရှိမှန်း..ငါ..မသိ

   ပြန်ကြည့်မိတိုင်း ငါ့ရင်မှာအလွမ်းတွေဖျတ်ဖျတ်လူးဆဲ

* " မလွမ်းဘူးသူ..မလာရ"

   ငါ့ဧည့်ခန်းက သူစိမ်းဆန်ကောင်းဆန်လိမ့်မယ်..

   ခေါင်းငြိမ့်/ ခေါင်းခါခြင်းနှစ်ခုကြားမှာ

   ေ၀ဝါးလာတဲ့စိတ်နဲ့ ငါ..ခေါင်းမာတတ်ခဲ့ပြီ...။

* မာယာတွေကစက်ဆုတ်စရာကောင်းသလောက်

   ပြောင်မြောက်တဲ့ပရိယာယ်ဖြူဖြူတွေက

   ချစ်သူကိုဘယ်လောက်အေးမြစေမလဲ ?

   ငါ..ခွဲခြမ်းစိတ်ဖြာကြည့်တတ်ခဲ့

   လွမ်းတတ်တဲ့ ရင်ခွင်ဟာနူးည့ံမှန်း သူမသိမှာစိုးမိပေါ့..။

* အနီရောင်ဖျော့နေတဲ့အရုဏ်ဦးသစ်များတိုင်း

   နားကြားမလွဲတတ်ဘူး..ဆိုရင်..

   ငါ့ အလွမ်းကို နားဆင်လှည့်ပါ...။

* တကယ့် အလွမ်းမှာ အဆိပ်မရှိမှန်း

   လွမ်းတတ်လာတဲ့ တစ်နေ့

   လက်တွေ့သိရပါလိမ့်မယ်...။

* တကယ့် အလွမ်းဟာ သိမ်မွေ့တတ်မှန်း

   လွမ်းတတ်လာတဲ့ တစ်နေ့

   ကိုယ်တွေ့ကြုံရပါလိမ့်မယ်...။

ရတုသစ်

  (24/ 8 / 2012/ 9:53 PM )