မြေသင်းနံ့မဲ့တဲ့ မနက်ဖြန်များ..

                      (အဖွင့်)
                          အခုတလော ကျုပ်ရ ရနေတတ်တာ မိုးနံ့..၊မြေသင်းနံ့..။စိမ်းစိုလတ်ဆတ်နေမယ့်မြက်ခင်းပြင်တစ်ဝိုက်ကဝေ့၀ဲလာမယ့်ရနံ့
...။ကျုပ်သတိရနေတဲ့အထဲမှာ မိသားစုတစ်စုလည်းပါရဲ့ ။ကျုပ်ကသာသတိတရနဲ့မျက်ရည်တွေပေါက်ပေါက်ကျနေရ ။ကျုပ်ကိုသူတို့..သတိ
မှရပါလေစ..။လောကဓံတွေ..ဘာတွေသိပ်နားမလည်ပေမယ့် အနာဂတ်ပျောက်နေတဲ့သူတို့မျက်နှာတွေကိုမကြည့်ရက်ခဲ့တာတော့ အမှန်။
အင်း...လောကဓံ...လောကဓံ..။ကျုပ်လည်းပဲ မနက်ဖြန်(သို့မဟုတ်)ဘယ်သောခါ...။

                                                   (   ၁  )
                          ကျုပ်နာမည်ကို ဗြားကြီးလို့ခေါ်ကြတယ်။ဘာ့ကြောင့်ခေါ်မှန်းတော့မသိ ။မိဘတွေပေးခဲ့တဲ့နာမည်လည်းဟုတ်ဟန်မတူ၊ထားပါတော့နာမည်ကိစ္စကျုပ်တစ်ဘ၀လုံးသူတို့နဲ့ပဲ အတူနေရမယ်လို့ထင်ခဲ့တာ..၊ကျုပ်မိဘတွေလည်းသူတုိ့ဆီမှာပဲခေါင်းချသွားကြတာလေ..။ သန်မာတဲ့အရွယ်တစ်လျောက်သူတို့နောက်တကောက်ကောက်လိုက်လို့..စီးပွားကူရှာပေးခဲ့တယ် ၊တစ်နှစ်ကုန်တိုင်း..ဘယ်ရွေ့ဘယ်မျှ..သူတို့တွက်ချက်ပြနေတဲ့ အကျိုး အမြတ်တွေနားထောင်ရင်း ကြည်နူးခဲ့ရပေါ့ ။ ဘ၀ဟာလှည်းဘီးတစ်ခုလိုလည်ပတ်နေသတဲ့
လား.?.။ဒါဆို..၀ဋ်ဆိုတာလည်း လည်တတ်တဲ့အမျိုးဆိုတော့လှည်းဘီးကြီးလိုနေမှာပဲလေ...တစ်ပတ်ပြီး..တစ်ပတ်..တစ်လိမ့်ပြီး..     တစ်လိမ့်..လိမ့်...။

                                                ( ၂ )
                             ကျုပ်သွားလာလည်ပတ်ခဲ့တဲ့နေရာတွေဟာ နောက်ချန်စာမျက်နှာတွေဖြစ်      သွားပြီ။နောက်တစ်ချိန်ပြန်ကြည့်မယ့်သူလည်းရှိဟန်မတူ..။ကြည့်ချင်သူရှိလည်းမြင်ဖို့မလွယ် ကူတော့..။လွန်ခဲ့တဲ့ လ အနည်းငယ်လောက်က ကိုဖိုးအေး တို့ပြောနေတဲ့အသံ
တွေတော့ ကြားသား..။ဘာသိ ဘာသာ ပဲနေခဲ့မိတယ်.။ကိုဖိုးအေးဆိုတာက ကျုပ်ရဲ့သခင် ၊ကျေးဇူးရှင်ဆိုပါတော့ ..။သူ့မိန်းမ မထွေးခင်
နဲ့တီးတိုးပြောနေတဲ့ စကားတွေကျုပ်ကြားရတော့ သူတို့ကိုသနားမိတာတော့ အမှန်..။               ခက်တာက ကျုပ်လည်း ဘာမှမကြံဖန်တတ်၊။
သတ်မှတ်ပြဌာန်းလာတဲ့ကံကြမ္မာကခါးသီးလွန်းလို့ရင်ဘတ်တစ်ခုလုံးဆို့နင့်ကြေကွဲခဲ့ရတာ ဘယ်သူသိနိုင်မှာလဲလေ...။

                                               (   ၃  )
                              “ထွေးခင် ရေ..အခြေအနေတွေကတော့ သိပ်မကောင်းဘူး ဟေ့..ပြန်ရဖို့လမ်းစမရှိတော့ဘူး...ငါတို့မက်ထားတဲ့
အိပ်မက်တွေလည်း ဖြစ်လာမယ် မထင်တော့ပါဘူး ဟာ..အကြီးကောင် ကိုရှင်ပြုပေးဖို့ကိစ္စ ဝေးပြီးရင်းဝေးနေပြီ ”
                               ကိုဖိုးအေးရဲ့စကားက ထွေးခင်ရဲ့သက်ပြင်းရိုင်းတွေကိုအဖတ်လိုက်ချွေ..ကြွေစေခဲ့ပေါ့..။ အိုစာတဲ့မျက်နှာလေးနဲ့
မျက်ရည်ကြည်ရစ်ဝဲနေတဲ့ပုံရိပ်ကိုကျုပ်မျက်လုံးထဲက ဘယ်လိုမှ ထုတ်ပစ်လို့မရဘူး..၊မိန်းမသားမို့ ဒီလောက်ပဲခံစားနိုင်သလား.?..၊
ဟုတ်ဟန်မတူ ။ရင်ဘတ်ထဲမှဗလောင်ဆူနေမယ့်ဒေါသတွေက ပေါက်ကွဲလုနီး မီးတောင်တစ်ခုလို အုံကြွနေမယ်ဆိုတာ မထွေးခင်ရဲ့
မျက်နှာရိပ်က သက်သေပြနေတယ်..။နီရဲမို့အစ်..ဆို့နစ်ကြေကွဲနေတဲ့ ပုံသဏ္ဍာန်...။ ကျုပ်မကြည့်ရက်..မကြည့်နိုင်..။ မျက်နှာကို
အလိုလိုလွှဲပြီးသား..။နှလုံးသားထဲမှာပဲ အမာရွတ်တွေက တစ်ခုပြီး...တစ်ခု..။

                                             ( ၄ )
                                 အခုလောက်ဆို ကျုပ်ရဲ့လက်တွဲဖော် ဂျိုလိန် ရော..ဘယ်ရောက်နေပြီလဲ..မျက်နှာပေါက်ဆိုးဆိုးနဲ့လူကြီး အိမ်ကို
ရောက်လာပြီး ပြန်တော့ ပါသွားတာ..။ပြန်လာမယ်ထင်ပြီး မျှော်နေမိသူသာဖတ်ဖတ်မောရပေါ့ ။ ဂျိုလိန်ကတော့ သတိမှရပါရဲ့လား.?..။
ကျုပ်ကတော့ သတိရခြင်းတွေအထပ်ထပ်ဖြစ်နေတယ် ။ဂျိုလိန်ထွက်သွားပြီးကတည်းက ကိုဖိုးအေးရဲ့သီချင်းသံအောအောကြီးကိုလည်း
မကြားရတော့ဘူး ။
                             “ကန်ပတ်လည် ခရေရိပ်xxxရွာထိပ်ကxx ကျောင်းတော်သာ နံဘေးဝယ် ” တို့...၊“နေညိုချိန်တိမ်တောက်တဲ့အခါx
xxရွာလမ်းနံဘေးမှာxxxစာဥတို့သူငယ်ချင်းမတွေxxxရေခပ်ဆင်းလို့လာ ” တို့..ပေါ့ ။ ဘာဖြစ်လို့ ကိုဖိုးအေး သီချင်းမညည်းတော့
တာလဲ..၊တွေးရခက်ခဲလွန်းပါတယ်လေ..။

                                            (၅ )
                                 မကြာသေးခင်က ရွာထဲမှာ လှုပ်လှုပ်ရွရွဖြစ်သွားကြသေးတယ် ။        တစ်ရွာလုံး တဗျစ်တောက်တောက်နဲ့ပေါက်
ပေါက်ဖောက်သံတွေကဆူလို့..ညံလို့..။တစ်ချို့ တစ်ချို့ ကဒေါသထွက် ၊ တစ်ချို့ တစ်ချို့က မျက်ရည်စက်လက် ..။ရင်အက်စရာမြင်
ကွင်းကြီးပါ ။ဘာ့ကြောင့်မှန်းတော့ ကျုပ်မသိ ၊ အင်း..အဲဒီနောက်ရက်တွေက စပြီး ကျုပ်တို့အနားရသွားတာတော့ သတိပြုမိတယ်..။
တစ်ချို့ ကျုပ်နဲ့ဘဝတူတွေဆို တစ်ရွာ တစ်ကျီ ပြောင်းကြလေသလား မသိ ။ရွာထဲမှာ မတွေ့မိတော့..။ဂျိုလိန်ကြီး အပါအ၀င်ပေါ့..။
ဂျိုလိန်ရေ...မင်းဘယ်ရောက်နေပြီလဲ..။ရင်ထဲက ထပ်တလဲလဲ မေးနေမိတယ် ။

                                            ( ၆ )
                                  ကံကြမ္မာဆိုတာ ချွတ်နင်းသံမပေးပဲ ဝင်ရောက်လာတဲ့ တောကျွမ်းမုဆိုးတစ်ယောက်လိုပဲလား  ။ပိရိမှု..သေ
သပ်မှု..ဖျတ်လတ်မှုတွေက အံဝင်ခွင်ကျ..။ကံကြမ္မာရဲ့ အငွေ့အသက်ကတော့ရသား..။မထူးခြားသလို နေခဲ့မိပေါ့ ။ဖျော့တော့တဲ့
မျက်ဝန်းတွေနဲ့ကြည့်လာတဲ့ကိုဖိုးအေးကိုမြင်တော့မှ ရင်ဘတ်ကအချက်ပြလာတယ် ။ “ဘုရား..ဘုရား..လွဲပါစေ..ဖယ်ပါစေ..”။
ဆုတောင်းတိုင်းသာပြည့်နေမယ်ဆိုရင်လောကကြီးဟာ သက်ငြိမ်တိတ်ဆိတ်နေမယ်ထင်ရဲ့ ။အခုတော့..............။

                                           ( ၇  )
                                    ဂျိုလိန်ကိုခေါ်သွားတဲ့လူကြီးထပ်ရောက်လာတယ် ။       မထွေးခင်ရဲ့ငိုသံလည်း ကြားရ ရဲ့ ။မေးကြောကြီးတထောင်
ထောင်နဲ့ကျုပ်ကိုလာဖက်တဲ့ ကိုဖိုးအေးကို ကျုပ်ရင်ဆိုင်ဖို့ အင်အားမဲ့နေတယ် ။
          “ဗြားကြီးရေ..ဒီဘ၀တော့..ဒီမျှပဲကွာ ..တောက် ..ဆိုးလိုက်တဲ့ အဖြစ် ကွာ..” ကျုပ်နောက်ဆုံးကြားခဲ့ရတဲ့ကိုဖိုးအေးရဲ့ ကြိတ်မနိုင်ခဲမရ အသံ..။              ငြင်းဆန်လို့မရတော့တဲ့အခါ ခေါင်းညိတ်လက်ခံလိုက်ရတာ..ဓမ္မတာလား ?..
ကျုပ်ရွာကိုခွါခဲ့တယ်..။ခွါခဲ့ရတယ်။ ကိုဖိုးအေးတို့မိသားစုနဲ့ခရောင်းလမ်းခွဲပေါ့ ။        ကျုပ်ရောက်သွားတာက ဂိုဒေါင်ဆန်ဆန်ခြံကျယ်ကြီးတစ်ခု ။                          ဒီပေးဆပ်မှုတွေနဲ့သာ...ပြေပါစေတော့...ကြေပါတော့လေ..။
           ကျုပ်ဘဝရဲ့နိဂုံးက တဖြည်းဖြည်း နီးလာပြီဆိုတာ သိလိုက်ပါပြီလေ..။
                                    လှည်းဘီးကြီးလိုပေါ့ ၊တစ်ပတ်ပြီး..တစ်ပတ်...တလိမ့်ပြီး...တစ်လိမ့်..လိမ့်လို့..။

                                       ( အပိတ် )
                                  အခုတစ်လော..ကျုပ်ရ ရနေတတ်တာ က မိုးနံ့..၊မြေသင်းနံ့..။စိမ်းစိုလတ်ဆတ်နေမယ့် မြက်ခင်းပြင်တစ်ဝိုက်
ကဝေ့၀ဲလာမယ့်..ရနံ့...။

*******************************************************



                                               ရတုသစ်
                                      (17 /9 /2012 ..10း 00 PM )