ပန်းခရမ်းပြာရှိုက်သံ

"ဆုံးဖြတ်ချက်တစ်ခုချမယ်..အရှူံးနဲ့အောင်မြင်ခြင်း"
သေခြင်းမကင်းသေးတဲ့သံသရာမှာ တပြောင်းပြန်ပြန်
အဖန်ဖန်သေဆုံးနေကြရစမြဲမို့ သေခြင်းဟာစက်ဝိုင်းထဲကပြယုဂ်တစ်ခုလိုလို
မလိုချင်တာကြုံလာမှဘ၀ဟာငြီးငွေ့ဖွယ်ကောင်းမှန်းသိတော့ဇာတိကခရီးတော်တော်ပေါက်
မရောက်ရောက်အောင်ပို့နေတဲ့ဇရာ ဗျာဓိတွေရဲ့နှင်တံမှာလူးလွန့်ရင်းသေမင်းစံအိမ်သို့ခရီးနှင်
ိပြင်ဆင်ထားမှုမရှိရင်''ရေဗူးမပါ ..နွေခါမှသိ'" စံနစ်က၀င်ပေါက်မှာတွေ့ရလိမ့်
မလိမ့်တပတ်နဲ့အလှိမ့်အပတ်ကျွမ်းကျင်ရောဂန္တရကပ်က လူရွေးတတ်လေသလား?
တန်းဖိုးများတဲ့သူတွေဆီပဲ မျက်စိကျနိုင်လွန်းပါရဲ့  သမားရိုးကျ
ရိုးမပေါ်ဖြတ်ပျံနေတဲ့ကြိုးကြာတစ်ကောင်ဟာ အတောင်ညောင်းခဲ့ပြီ..။

"တစ်ခြားဖက်မျက်နှာ  ကျောခိုင်းပြေးတော့မယ်ပေါ့"
အသော့နှင်ဖို့မလိုတဲ့လမ်းကိုတရကြမ်းနင်းဖြတ် မရပ်မနားဗျာဓိ
အငိုက်မိတော့သူမဟုတ်သလိုလိုနဲ့အရှိုက်ထိအောင်ပြင်းရှရှသတ်ကွင်း
နာကျင်ခြင်းဟာသူ့ရဲ့တစ်ခြားမျက်နှာ ခေါင်းနဲ့ပန်းလို
ကြိုးတန်းပေါ်လျှောက်နေရင်း ခြေမကုိင်မိ လက်မကိုင်မိဖြစ်သွားတယ်ထင်ရ
ပွဲကြည့်စင်အောက်ကလူတွေအားမလို အားမရဖြစ်ဆဲ ဥပေက္ခာ
မဟာဆန်သူတစ်ယောက်ရဲ့ မဟာဝိဉာဉ်အေးချမ်းပါစေ...။

"စောင်းကြိုးရှိုက်သံ သဲ့သဲ့လေးကြားနေတယ်"
လူဝယ်အားကောင်းတဲ့မရဏကုမ္ပဏီရဲ့မျက်စိကျအရွေးချယ်ခံ
အားအတန်တန်တင်းရင်းမာန်လျှော့လိုက်လေသလား ကြိုးပြတ်စောင်း
တိမ်းစောင်းမှုတစ်ခုမှာပူဆွေးဖွယ်ဓမ္မတေးတို့ဖြိုင်ဖြိုင်ဝေ
လွမ်းသူ့ပန်းခွေမှာပန်းခရမ်းပြာတွေကြွေဖို့နောက်တွန့်နေရှာကြ
ဆွတ်ခူးမယ့်ပန်းချုစ်သူရဲ့လက်ကိုမှဘယ်သူဆွတ်ချူချင်နေတာလဲ? ကြေကွဲစရာ
အိပ်မက်ဟာလက်တွေ့ဆန်လာရင် သတိထားဖို့ကောင်းရဲ့
အပေါင်းပါတွေရဲ့အံတစ်ချက်အကြိတ်ကိုတိတ်ဆိတ်စွာနားဝင်ချိုလိုက်သလား?
ဂီတနားတွေ ဒီတစ်ခါတော်တော်ခါးသွားတာ မသိခဲ့ဘူးလေ..။

"ရိုးရိုးလေးသာဝတ်ခဲ့ပါလေ..အေးမြလို့ "
မစို့မပို့မဟုတ်ဘူး မျက်ရည်တွေ ဆောင်းတွင်းမှာ ခိုးရွာရပြီ
ပြီတီတီသေမင်းအနမ်းမှာ ပန်းခရမ်းပြာတစ်ပွင့်ကြွေလွင့်ခဲ့ရင်တော့ မရှုရက်စရာ
ဘ၀ဟာတိုလျပေမယ့် အနုပညာတွေ ခရီးရှည်ဆက်လက်ပျံသန်း
လွမ်း  ရင်ထဲလှိုက်လို့ ပစ္စုပ္ပန်ကိုလွမ်း..တိတ်တခိုးလေးပေါ့ မျက်ရည်တွေနဲ့
ကဝေဆန်သော ညှို့စောင်းသံသာရဲ့အညုအခရာတွေေ၀၀ါးခဲ့ပြီလား ?
ပြုစားတတ်သောအသံသာသာညင်းညင်းကိုသေမင်းမနာလိုဖြစ်ခဲ့ပြီ
ရီဝေေ၀ခရီးရှည်မှာတစ်ယောက်ထဲပေါ့..လာတုံးကအတိုင်းမဆိုင်းမတွ
ဘ၀ဆိုတာ ဘကုန်းလေးနဲ့ဝလုံးလေးတင်မဟုတ်ဘူးဆိုတာသိထားရင်ကောင်းမယ်
တစ်နေကွယ်ရင်...တစ်ခါကူးတဲ့သေနယ်...ဘယ်သူလိုချင်မလဲ
ဒီပွဲကနောက်ဆုံးပွဲမှတ်လို့လား မသိဘူး ဆူတယ်..ရှိုက်သံ/လှိုက်သံတွေ
လက်ခုပ်သံမဲ့နေတဲ့ ပွဲကိုကြည့်ရတာလောက်စိတ်ပျက်စရာဘာရှိသေးလဲ?
ဘယ်နေ့လဲ ?ဘယ်တော့လဲ? တရားပြနေတဲ့ကြိုးကြာတစ်ကောင်အတွက်
ဂစ်တာတစ်လက်နဲ့ဝတ်မှုန်တွေလက်ဖွဲ့လိုက်ပါတယ်..
မကြာမီ လာမည် ဘယ်နေ့လဲ? ဘယ်တော့လဲ? မသိချင်ဘူး ကျွန်တော်တို့အလှည့်တွေ..
လူသားပီပီငြင်းဆန်လိုက်ပါတယ် နွမ်းယဲ့ယဲ့ပါပဲ ခဏတာ
ဘ၀ဟာ ရုပ်ရှင်မဟုတ်ဘူး ..ပုံသေကားချပ်ဆန်စွာ အစီအစဉ်အတိုင်းယိုင်နဲ့နေတယ်လေ..။

                                                           ရတုသစ်
                                              (11 / 11 /2012 --1 :29 AM)
                                          http://yatuthit.blogspot.com/
                  *ကျနော့်ရဲ့မွေးနေ့လေးမှာ ရေးဖြစ်သွားတာက ဒီကဗျာ..