တစ် + တစ် = သုည

အသက်တစ်ချောင်းအတွက် အသက်တစ်ချောင်းကိုဖဲ့ထုတ်ရတာမျိုးရှိရဲ့
ညီမျှခြင်း ဆိုတာ ကိန်းနှစ်ခုရဲ့ ရလဒ်ကို ညှိယူတာပေါ့..စန္ဒာ..။
တစ်နဲ့တစ်ပေါင်းတိုင်း နှစ်ဖြစ်သတဲ့လား ?
ပိုက်သာဂိုးရပ်စ် ရဲ့ဖော်မြူလာတွေ အမှန်ချည်း မဟုတ်ဘူး
ဆော့ခရတ္တိရဲ့အယူအဆတွေလည်း အမှားမကင်းဘူးလေ..။

ဘ၀တစ်ခုကို ဘ၀တစ်ခုက ဆွဲငင်/တွန်းထုတ်တတ်တာပဲ
ဆွဲငင် နိယာမတစ်ခုထဲဆို နယူတန် အမြဲမှန်နေမှာပေါ့..စန္ဒာ..
မင်းထင်သလို မဟုတ်ခဲ့ပါဘူး..
ငါ့ အမြင်လည်း မှားခဲ့တာပါ..။

အမှန် နဲ့ အမှားကိုပလပ် ထိုးရင် အလင်းရနိုင်မလား ?
အရှေ့နဲ့အနောက်မှာတောင် အလင်း/အမှောင်က ၀ိရောဓိဖြစ်နေတယ်
တိမ်တွေဟာ ပင်လယ်ပျီုးမယ့် မျိုးစေ့ပဲ
မျက်လုံးထဲက တိမ်ကတော့ အမှောင်တွေပဲ ရွာတယ်..။

''နှိုင်းယှဉ်/ချိန်ထိုးတာတွေ မုန်းတယ်" ဆိုပြီး..
ပေတံတစ်ချောင်းနဲ့မျဉ်းဖြောင့်ဆွဲနေတဲ့ လူငယ်တစ်ယောက် ။
''ပုံစံခွက်တွေဆို ခါးသီးတယ်"  ဆိုပြီး..
သဘာဝ/စိတ္တဇ တွေကိုကင်းဗတ်စ ထဲ အကျဉ်းချနေတဲ့ ပန်းချီဆရာ ။
''ဘယ်လိုမှ မလှပတဲ့ဘ၀ကို နာကြည်းတယ်"  ဆိုပြီး..
ကဗျာလှလှလေးတွေ အန်ချနေတဲ့ ကဗျာဆရာ  ။
''စိတ်ကူးယဉ်တာတွေ အလကားပဲ"  ဆိုပြီး..
အချစ်ဇာတ်လမ်းအနုတွေ ဖွဲ့ပြနေတဲ့ စာရေးဆရာ  ။
ဘ၀ဟာ ဘ၀ထက် မပိုပါဘူး..စန္ဒာ..။

အတ္တနဲ့ မာန ပလ္လင်လု နန်းသိမ်းပွဲမှာ မင်းနဲ့ငါ ယဇ်ကောင်ဖြစ်ခဲ့တာပေ့ါ
ငါဟာ သင်ရင်းသင်ရင်းနဲ့ချာချာလည်နေတဲ့ သင်္ချာ
ငါ့တွက်ကိန်းနဲ့ ငါပဲ ရလဒ်တွေ မှန်ကန်နေရဲ့ ။

တစ်နဲ့တစ်ပေါင်းပြီး တစ်ဖြစ်အောင်တွက်ချက်မိတဲ့အခါ
၁ + ၁ = ၀ ဖြစ်သွားပြီ ..စန္ဒာ...
ငါ့ကဗျာဟာ..ဒီမှာ..ပွဲသိမ်းခရာသံ ထမြည်တယ်..။

ဒိုင်လူကြီးရဲ့ အချိန်ပြလက်တံမှာ အချိန်ပို မကျုန်တော့ဘူးလေ
တစ်နာရီ ကို မိနစ်ခြောက်ဆယ် ပဲသတ်မှတ်ထားမှတော့
ရာခိုင်နှုန်းမပြည့်တဲ့ စံတော်ချိန်နဲ့ပဲ ..ငါတို့
စွယ်တော်ရွက်ဟာ..ကဗျာဆရာ/စာရေးဆရာ/ပန်းချီဆရာတွေရဲ့လက်ထဲမှာ
လှမြဲ လှနေဆဲပါပဲ ..စန္ဒာ...။

                                ရတုသစ်                 
                 (   25/11/2012 8:30 PM )
             http://yatuthit.blogspot.com/