ဂြိုဟ်ဆိုးနဲ့ စီးချင်းထိုးမယ့်...စီမံကိန်း...

*ခြေသံလုံလုံလျှောက်လာတဲ့...ဂြိုဟ်ဆိုးက..
  ၀ါရင့်သူခိုးတစ်ယောက်ရဲ့...ဖျတ်လတ်မှုမျိုးနဲ့..ခိုးဝင်လာခဲ့...
  မာတိကာအစ ကတည်းက...နက္ခတ်လွဲနေတဲ့...ငါ...
  ရွှေပြောင်းဖို့...နဂါးခေါင်းအရပ်..လှည့်စရာ..မရှိ...။

*တိုင်ဖုန်း..ဆိုက်ကလုန်းတွေကြောင့်...အထပ်ထပ်ပြိုလဲနေတဲ့..ကမ္ဘာမှာ...
  ငါ့..သက္ကရာဇ်တွေဟာ...ဖြိုချဖို့...ခက်လွန်းလှရဲ့...
  တစ်ဘ၀စာ ဟောစာတမ်း...တစ်ခုလုံး..ပြဿဒါးတွေပြည့်နေပြီ...။

*ဗေဒင်ဆရာက...မှားတာလား...?
  ကံကြမ္မာက...ခါးတာလား...?
  ယတြာချေလို့မကျေနိုင်တဲ့...မပြေလည်မှုတွေကို...
  ကဗျာနဲ့ရော..ရောပြီး...မျိုနေရတယ်...။

*အချိုရှာ...သကာမတွေ့ငြားလည်း...
  အခါးမရှာ...တမာတွေ့တွေ့လာတော့...
  ရက်ရာဇာတွေကပဲ...ချို့တဲ့လာသလို..လို..။

*''အလုပ်ကောင်းရင်..ကံကောင်းမယ်.''..တဲ့
  အကောင်းလုပ်တိုင်း...အလုပ်ကောင်းအထင်..မခံရမှတော့...
  စိတ်ကျန်းမာရေး...အားနည်းတဲ့..လူယဉ်ကျေး အ၀န်းအ၀ိုင်းမှာ...
  ငါ..ဗိုင်းကောင်းကျောက်ဖိမနေတတ်တာ...ဆန်းသလား...?
  ငါ့ တရားနဲ့..ငါ..နားရည်ဝခဲ့ပေါ့...။

*အမှတ်တရတွေကို...အမှန်တရားဖြစ်ဖို့..တွက်ချက်ရင်း...
  အလင်းဆိုင်မှာ...ကျမ်းကျိန်လျှောက်လဲတတ်နေရဲ့...
  ညောင်ပင်တစ္ဆေဖြစ်နေတဲ့...နေ့လည်ခင်းတွေကို..
  မှောင်ခိုထုပ်ပြီး...လွှင့်ပစ်လိုက်ချင်တယ်...။

*အမြိုက်တရားရဲ့..အရသာကို...
  ငါ့..လျှာပေါ်မှာ...ခံတွင်းမတွေ့မချင်း...
  မိုက်မလင်းတဲ့...သံသရာ..တွင်းနက်နက်က..
  ခုန်ထွက်ဖို့...ခက်နေဦးမှာပဲ....။

*အခုတော့....
  တစ်မနက်ပြီး...တစ်မနက်...
  တစ်ရက်ပြီး...တစ်ရက်...
  ရင်ဘတ်အက်အက်လာတဲ့...နေ့တွေ အကြောင်း...
  စုပေါင်းထားတဲ့...ကဗျာအယ်လ်ဘမ်တစ်ချပ်...
  သပ်သပ်ရပ်ရပ်..ထုပ်ပိုးရင်း...
  ဂြိုဟ်ဆိုးနဲ့..စီးချင်းယှဉ်ထိုးဖို့...
  ကြိုတင် စီမံကိန်းချလိုက်ဦးမယ်လေ...။

                       ရတုသစ်
           (6/9/2012   9း50 PM)