သင်္ခါရကိုမျိုချနေရသော နေ့စွဲများ ( ၂ )

သင် တိုင်းမတတ်မြောက်နိုင်တဲ့ ရုပ်/ နာမ် ခွဲခြမ်းမှုအဘိဓမ္မာ
      သေချာတွေးတာတောင်ရေးရေးပဲပေါ်လိုက်/ပျောက်လိုက်စိတ် အမှတ်များ
      နှာသီးဖျားမှာ အသိက ထိရှတယ် /ပြယ်လွင့်တယ်
      ဘယ်အရာတွေကိုမြဲခြင်းအဖြစ် ရှုမြင်သုံးသပ်ရမလဲ? မသိတတ်တော့
      ဒီကျော့ကွင်းမှာ ဘယ်သားကောင်မှ မမိသေးဘူး...။

ခါ ချလိုက်/ကောက်ယူလိုက်တရှိုက်မက်မက် ချစ်ခြင်း/မုန်းခြင်းတွေ
    ဒီရေလိုအတက်အကျမို့ချည်တုပ်ထားခွင့်မရနိုင်သလား?
    ဥပေက္ခာတရားကိုခါးသီးစွာငြင်းဆန်နေမိကြရဲ့..နွံထဲမှာ..
   ကိုယ်သာ ပဓာန မို့ကိုယ်တိုင်လွတ်အောင်ရုန်းထွက်လိုက်
   အမိုက်ဆိုတာ အလင်းမရောက်ခင်ပဲ..မှောင်တယ်..။

ရ လေ လိုလေဖြစ်နေတဲ့ချဉ်ခြင်းတက်/ တပ်မက်မှုများ
    မြစ်များကိုသောက်တဲ့ပင်လယ် ရေ ၀ရိုးမရှိသလိုအလိုလို လိုချင်နေမိ
   နေညိုချိန်တစ်ခါယွန်းတိုင်းဖြစ်ထွန်းမှုရဲ့အခြားတစ်ဖက် ..လားရာ
   လစ်ဟာသွားတဲ့ရုပ်/ နာမ်တွေအတွက်ဖြည့်စွက်စရာ မရှိ
   မသိလိုက် မသိဘာသာကုန်ဆုံးရင်း ဖြစ်ပြန်/ပျက်ပြန် တရားများ..။

ကို ယ်ကောင်းရင်ခေါင်းမရွေ့ဘူးဆိုပေမယ့်ပတ်ဝန်းကျင်က တနှဲ့နှဲ့
   ယိုင်ရွဲ့လာတဲ့နေသားကျမှုနဲ့အတူ စိတ်ကအခန့်မသင့်ချင်တော့
   အလျင်စလိုဖြစ်ဖြစ်လာတဲ့မာနက အမောက်ထောင်လာခဲ့ပေါ့
   အပျော့/အမာ ဆက်ဆံရေးဟာ မာယာများလွန်းရဲ့
   ရည်ညွှန်းချက်မဲ့တဲ့ လူသားဘ၀ကိုခါးသီးတတ်ခဲ့ပြီ .။

မျို ချရခက်လွန်းတဲ့လောကဒဏ်ချက်များကပြေးလမ်းတစ်လျှောက်တစ်ဖောက်ဖောက်
   မဖြစ်စလောက်သိမြင်မှုနဲ့ပုံကြီးချဲ့ခဲ့တဲ့အလည်လွန်နုံအမှုများ
   တရားဆိုတာ ဘုရားဟောမှတရားမဟုတ် ကိုယ်ဟောတဲ့တရား ကိုယ့်တရား
   လားရာဂတိကောင်းကို သုဂတိလို့နာမည်ပေးထားလဲ ကိုယ့်လားရာဂတိ ကိုယ်မသိ
   ဆန္ဒာဂတိနဲ့ဘယာဂတိကြားမှာဗျာများရင်း အမှန်တရားတွေဥာဏ်များလွန်းခဲ့ပေါ့ ။

ချ ထားတဲ့ပုံစံခွက်ထဲမှာနောက်ကျောနံပါတ်မြဲဖို့ စက်ရုပ်ဆန်ဆန်ရုန်းကန်
   ထုံးစံအတိုင်း ထုံးစံတွေဟာ “ပိုနေမြဲ ကျားနေမြဲ” ရယ်ကျဲကျဲ
   တရှဲရှဲပူနေတဲ့ဖန်လုံအိမ်ထဲမှာ “ ဇိမ် ”ဆိုတဲ့ဝေါဟာရကိုအဓိပ္ပါယ်တော်တော်ဖွင့်ခဲ့ရ
   အကျမနာအောင်နိမ့်နိမ့်လေး ခုန်မိတော့ အတက်ကလည်း မဟန်သေး
   ဟန်ရေးပြနေတဲ့ဇာတ်ကွက်နဲ့ပဲ ဒီဇာတ်က ရေမျောကမ်းတင်ဖြစ်သွားရ ။

နေရာကျ/မကျထားသိုခြင်းအတတ်ပညာမှာ အ၀ါးဝတာ ကောင်း/မကောင်း
   စိတ်ထောင်းတိုင်းကိုယ်မကြေနိုင်လောက်အောင်စွဲဆောင်မှုတွေနောက်တစ်ကောက်ကောက်လိုက်
   မျောက်သစ်ကိုင်းလွတ်ဖြစ်ဖြစ်သွားတဲ့နေ့စွဲများ ပြဿဒါးတွေချည်းဖြစ်ရော့သလား?
   နဂါးခေါင်းလှည့်တဲ့ရာသီခွင်မှာ အမြိတ္တစုတ်တွေ လာဘသိဒ္ဓိတွေပါမလာခဲ့
   ဇာတာတစ်စောင်လုံးရက်ရာဇာတွေပျက်သုဉ်းတော့မလား ?နာကြည်းစရာ..။

ရ စရာမရှိလောက်အောင် ဘ၀ကိုဘယ်သူထိန်းချုပ်သလဲ
   မတည်မြဲတဲ့လောကမှာ အတ္တတွေပဲ နိစ္စဓူဝ လွန့်ထ
   “လိုတရ”ဆိုတာ ဒဏ္ဍာရီတွေထဲမှာပဲရှိတဲ့ ကလေးချော့ပုံပြင်
   လိုချင်ရင်း လိုက်ရှာရင်း လိုတမရ နိုင်ခြင်းများဟာ တဖွားဖွား
   ပျားပန်းခပ်မျှလောကနယ်သားထဲမှာ သူလည်းမင်းသား/ကိုယ်လည်းမင်းသား..။

သော သောညံသွားတဲ့လက်ခုပ်သံတွေကိုဆန်းစစ်ဖို့ လို၏/မလို၏
    မာယာအတိနဲ့ပွဲက နည်းနည်းပလီပလာ မဟုတ် ဇာတ်ရှုပ်
    ဒုက္ခကိုဆေးဆိုးထားတဲ့မျက်နှာနဲ့အသုံးတော်ခံရင်းမိုက်မလင်းသံသရာ
   “တဏှာစေရာ မနေသာ ”သမို့ဖွေရှာရင်း လူးလွန့်ရင်းကကွက်ပျောက်ခဲ့
   နောက်လှည့်မချိပြုံးကိုပျက်လုံးထင်ပြီးတ၀ါးဝါးညာသံတွေမစဲတော့ဘူး..။

နေ့ မူး ညယစ် ဘ၀ယဇ်ကောင်အတွက်ရလဒ်က ထိုက်တန်/မတန်
   နေ့ခံ ညခံဟန်ချက်ကဘယ်တော့ပျက်ပြယ်မလဲ မျှော်လင့်ဆဲ
   တည်မြဲခြင်းဆိုလို့လက်တစ်ဆုံးနှိုက်မမီတဲ့ငွေတွင်းပဲ နက်ဆဲ/နက်မြဲ
   ဘယ်မလဲ စံစားဖို့/ ဆန်စားဖို့/ ဆန်-ဆားဖို့ မစို့မပို့
   ပျို့ပျို့လာတဲ့မနက်ဖြန်တွေဘယ်လိုဖြေရှင်းရမလဲ မသဲမကွဲ ..။

စွဲ နေတဲ့အသိမှားတွေကဖျက်ချရခက်ချင်ချင်ဖြစ်
   ဆေးမင်ကြောင်အထိုးမှားတဲ့ရင်ဘတ်ကတစ်စိမ့်စိမ့် နဲ့မရှုစိမ့်နိုင်
   အပြိုင်ကြဲနေတဲ့ဒိုင်ပွဲမဲ့ပွဲမှာ သံလွင်ခက် ဘယ်ရှိပါ့မလဲ ?
   ခြေမမြဲသူကျန်ခဲ့ နောက်မလှည့်ကြေး ပြေးချင်သလောက်ပြေးလွှား
   တရေးရေးမြင်ရတဲ့ပန်းတိုင်လည်း ဝေးသထက်ဝေးသွားရပေါ့..။

များသူ /နည်းသူ ညှိယူလို့မရတဲ့ကမ္ဘာ ဟာ လိုတာထက်ပိုစောင်းခဲ့
   အကောင်းအတိုင်းရှုမြင်ဖို့မျက်ကြည်လွှာ ဘယ်မှာ ငှါးရပါ့
   တရားမရတဲ့အထဲ တရားကျကျနေတဲ့ အဇ္ဈတ္တတစ်ခုကိုဆွဲတင်ဖို့
   မြင်မြင်သမျှအရိပ်တွေလိုက်ခေါ်/ဖက်တွယ်/ပွေ့ပိုက်
   ဒီအမိုက်က ကိုယ့်ဆီ ခပ်ငိုက်ငိုက်တည့်တည့်လျှောက်လာတယ်..။

                                     ရတုသစ်
                        (18/11/ 2012 12 :35 AM)
                    http://yatuthit.blogspot.com/