အိပ်ဖန်စောင့် ည

ကြယ်ရောင်ဖြာလင်း ၊ လေညင်းသွင်းချိန်
သီချင်းလေးဆို ၊စောင့်ကာကြိုမည်..
ဝင်ခိုနားလှည့်..ပြေးဝင်ခဲ့ မေ..။

ညရဲ့ရှုခင်း ၊ ငြိမ်ဆိတ်ခြင်းဝယ်
ယမင်းသက်လယ် ၊လှသွေးကြွယ်ကို
ချစ်ဖွယ်စကား ၊ ထပ်ထပ်ကြားသည်
ချစ်အားစိမ့်ယို ၊ရွှန်းလက် စိုပေါ့ ။

ကြယ်ကိုထွန်ယက် ၊ လမင်းထွက်၍
လက်လက်ရောင်ထွား ၊သစ်ရွက်ကြားမှ
လင်းအားဖြန့်ကျက် ၊မြေသို့သက်စဉ်
နုညက်ဖြူစင် ၊ မေ့ပါးပြင်မှ
ရွှေစင်ယိုးမှား ၊ သနပ်ခါးကို
နမ်းသွားမှာစိုး ၊ ကြောက်စိတ်တိုးကာ
ငုပ်လျှိုးဝှက်ကွယ် ၊ ရင်ခွင်လယ်၌
ဖက်တွယ်ထားမိ ၊ရင်ချင်းငြိလျှက်
ပီတိဖြာဝေ ၊ နမ်းမိုးခြွေသော်
ရှက်ပြေပုတ်ခတ် ၊မောင့်ရင်ဘတ်မှာ
ပွင့်ဖတ် နုလွှာ ၊မှန်သည်သာ ဟု
ကြင်နာစိတ်ကဲ ၊အနမ်းသည်း(သဲ)ခဲ့..။

ရင်ထဲအေးစိမ့် ၊ တစ်ငြိမ့်ငြိမ့်နှင့်
နှစ်သိမ့်ချိုမြ ၊ ညလည်း လှ ၏
လောကတစ်ခွင် ၊ကြည့်၍ုမြင်သော
ဝန်းကျင်အားလုံး ၊ အလှဖုံး၏
ချစ်ဆုံးမေသာ ၊ရင်ခွင်လွှာဝယ်
ကြင်နာမှေးမှိတ် ၊တစ်ရေးအိပ်ဖို့
ချော့သိပ်တေးသံ ၊မေတ္တာရံလျှက်
အိပ်ဖန်စောင့်ရာ ၊ညကမ္ဘာ သည်
လှဖြာ ဝေစည် ၊ကဗျာ ပီသော်..
ရွှင်ကြည်ပြုံးဝင့်နေသည် တကားးးးး ၊။

                    ရတုသစ်
        (   3-12-2012==11 :50PM)