နွေဦးညတစ်ည၌အချစ်နှင့်အလွမ်းကိုသရုပ်ခွဲကြည့်ခြင်း

  ဒီနှစ်နွေဦးသည်ခါတိုင်းနှစ်များထက်စောစီးစွာရောက်လာခဲ့သည်ဟုတွေးတောနေမိ၏။

ဆောင်းနှင်းကြွင်းတို့၏လက်ကျန်အလွမ်းကိုလေရူးကရိတ်သိမ်းပစ်လိုက်သည်။ဗာဒံရွက်တို့

ကြွေကျသည်။ကြွေကြရှာသည်။အခြားသောသစ်ရွက်များလည်းမတည်မြဲခြင်းတရား၏မျက်

လှည့်ဆန်မှုကိုကိုယ်တွေ့ကြုံလိုက်ကြဟန်တူ၏။ကျွန်တော်ကသစ်ရွက်လေးများ၏ခံစားချက်

ကိုပုံဖော်ကြည့်နေမိသည်။

                ဖြစ်တည်မှု၏အစကတည်းကတွဲစပ်လာခဲ့သောအနှောင်အဖွဲ့သည်တည်မြဲနေ

လိမ့်မည်ဟုထင်ခဲ့ပေလိမ့်မည်။သို့သော်ထိုအတွေးသည်လေရူး၏ကျီစယ်ကစားမှုအောက်

မှာပင်လွင့်စင်သွားလေပြီ။မြေပြင်သို့သက်ဆင်း၍အနင်းခံကြရပေဦးမည်။လွှင့်ပစ်ခံကြရပေ

ဦးမည်။အချိန်အခါ ၊အခြေအနေနှင့်သင်္ခါရတရားတို့ကစီ

ရင်ချက်ချလာသောအခါရှောင်လွှဲ၍ရနိုင်ပါမည်လား

-------------------------------------------------------------------------

             နွေဦးအကြောင်းစာတစ်ပုဒ်ရေးကြည့်ဖို့ကျွန်တော်ကြိုးစားနေမိသည်။ကျွန်တော်

ကြုံတွေ့နေရသောနွေဦးကိုခံစားမိသည့်အတိိုင်းရေးဖို့လည်းစဉ်းစားထားမိ၏။သို့သော်..

အချို့နေရာများ၌ကျွန်တော်၏စိတ္တဇဆန်မှုများပါ၀င်ကောင်းပါ၀င်ပါလိမ့်မည်။ တကယ်ဆိုကျွန်တော်ကနွေကိုကြောက်တတ်သူ။ သစ်ရွက်လေးများ၏ခွဲခါွရ

ခြင်းကိုငေးကြည့်ရင်းဆွတ်ကျင်လှိုက်မောနေတတ်သူတစ်ယောက်ဖြစ်နေသည်။

                   အိပ်စက်မရသောညများ၀ယ်ကျွန်တော်တစ်ယောက်ထည်းတွေးမိတွေးရာတွေးနေတတ်

သည်။ထိုအခါမျိုး၌နွေဦးကကျွန်တော့်အတွေးကိုသိမ်းပိုက်သည်။သစ်ရွက်ကြွေသံဖြင့်တိုး၀င်

သည်။ဥသြငိုသံဖြင့်ရစ်ဖွဲ့သည်။မြေနံ့သင်းသင်းဖြင့်ချည်နှောင်သည်။အိုက်စပ်သောခံစား

မှုဖြင့်နမ်းရှုတ်သည်.ကျွန်တော်ငုတ်တုတ်မေ့ရသောအချိ်န်များပင်ဖြစ်သည်။

                  ................သစ်ရွက်ကြွေသံကိုလိုက်ရှာရင်းကြယ်တစ်သင်းနှင့်စကားစမြည်ပြောဖြစ်သည်။

ကျွန်တော်ပြောခဲ့သောစကားများကိုသူတို့နားလည်ကောင်းနားလည်ပါလိမ့်မည်။နားမလည်

ဖြစ်ဖို့ကများမည်ထင်ပါသည်။ကျွန်တော်ပြောသောစကားများထဲမှာသင်္ခ ါရတရားများကြား

စတေးခံလိုက်ရသောသိင်္ဂ ါရအလှလေးတွေအကြောင်းပါ၀င်တတ်၏။

ခွဲခွါခြင်းနှင့်ကွဲကွာခြင်းအကြောင်းလည်းပါနေတတ်သည်။မြေပြင်မှာလမ်းလွဲသွားခြင်းက

တစ်ချိန်မှာပြန်ဆုံနိုင်သော်လည်းရင်ဘတ်ထဲမှာလမ်းလွဲသွားသောအခါဆုံနိုင်ရန်အခွင့်

အရေးမရှိနိုင်တော့လောက်အောင်ဖြစ်တတ်ကြောင်းများလည်းပါ၀င်နေသေးသည်။ တကယ်ဆို..ကျွန်တော်ကိုယ်တိုင်ကရောသစ်ရွက်ကြွေလေးများ၏ဘ၀နှင့်ဘယ်ရွေ့ဘယ်

မျှထူးပါသနည်း။ကျွန်တော်တစ်ယောက်တည်းသာသိရှိမည်ထင်ရသောရင်ကြွေအလွမ်းကို

အခြားတစ်ယောက်ကသိနေလိမ့်မည်ဟုမထင်ခဲ့မိရိုးအမှန်ပင်။သူဘာ့ကြောင့်သိနေရသ

နည်း။ဘာအတွက်သိနေပါသနည်း။ကျွန်တော်မေးကြည့်ချင်မိသည်။အလွမ်းချင်းနီးစပ်သူမို့

သိနေလေရော့သလား။စိတ်ချင်းဆက်နွယ်နေသူမို့မြင်နေလေရော့သလား။

ထိုသို့မဟုတ်လျှင်.။

-----------------------------------------------------------------------

           တစ်ခါတစ်ရံ၌တစုံတရာကိုတစ်ဦးတစ်ယောက်နှင့်ဆက်နွယ်၍တမေ့တမော

တမ်းတနေရခြင်းမျိုးကြုံဖူးကြမည်ထင်ပါသည်။ထိုသို့သောတစ်ခါတစ်ရံများ၀ယ်တစ်ရံတစ်ခါ

ဆီမှအလွမ်းများသာပြန်မြင်နေရခြင်း၏အဖြေကိုတစ်စုံတစ်ယောက်သောသူသည်ဖြေ

ဖျောက်ပေးနိုင်လိမ့်မည်ဟုယုံကြည့်ခဲ့မိဖူးသည်။ယုံကြည်မှု၏အတိမ်အနက်နှင့်တည်တံ့ခိုင်

မြဲမှုကိုဆန်းစစ်ဖ်ို့လစ်ဟာနေခဲ့မှန်းဥသြငိုသံကြားမှသတိပြုမိသည်။

               .............ကျွန်တော်တို့ကဥသြကိုဖော်မစုံအလွမ်းငှက်ကလေးအဖြစ်သာသိထားခဲ့ကြသည်

။နွေသရုပ်ကိုဖော်ဖို့ရောက်ရောက်လာတတ်သောသရုပ်ပြငှက်ငယ်အဖြစ်သာရှုမြင်ခဲ့ကြ

သည်။လွမ်းသူကိုဆွေးရိကြေကွဲစေသောတေးသီငှက်ဟုသာထင်မှတ်ခဲ့ကြသည်။

                   နွေဦးညတစ်ည၌ထို့ထက်ပို၍..ဥသြကိုကျွန်တော်သိခွင့်ရလိုက်သည်။

ကျွန်တော်သိလိုက်သောအသိသည်လူတိုင်းနှင့်အံ၀င်ခွင်ကျဖြစ်ချင်မှဖြစ်နိုင်ပေလိမ့်မည်။

ကျွန်တော့်ဥဒ္ဒစ္စနယ်ပယ်အလွန်မှအသိမွန်၊အသိဦးကိုနွေဦးနှင့်အတူရရှိလိုက်သည်မှာအမှန်

ပင်။ဥသြနှင့်အတူနွေဦးကိုကျွန်တော်ရဲရဲရင့်ရင့်တိုး၀င်နိုင်လိမ့်မည်ဟုထင်မှတ်ထားလိုက်မိ

သည်။

---------------------------------------------------------

                 ဥဒ္ဒစ္စနယ်အလွန်မှပြန်ရောက်လာသောစိတ်ကိုချည်တိုင်မှာပြန်ချည်လိုက်သည့်အခါ

တစ်စုံတစ်ရာကထိထိရှရှ၀င်ငြိလာပြန်သည်။ မြေနံ့။ နွေဦးရာသီအစ၌ရတတ်သောမြေသင်း

နံ့။ကွန်ကရစ်တောတန်းနှင့်နိုင်လွန်ကတ္တရာကျောရိုးကြီးများသာထူထပ်လာနေသောအခါ

၀ယ်မြေသင်းနံ့လတ်လတ်ဆတ်ဆတ်ရှုရှိုက််မိခြင်းကိုကုသိုလ်တစ်မျိုးဟုကျွန်တော့်ဘာသာ

မှတ်ယူထားလိုက်မိသည်။ငွေနံ့၊ကြေးန့ံ၊လွှမ်းနေသောအတ္တကမ်ဘာ။အာဏာန့ံ၊မာယာနံ့လွှမ်း

နေသောလောဘကမ်ဘာ။ ယမ်းနံ့ကာဘွန်ဒိုင်အောက်ဆိုဒ်နံ့တွေလွှမ်းနေသောဒုက္ခကမ်ဘာ၏

တစ်ထောင့်တစ်နေရာမှာကျွန်တော်ကမြေသင်းနံ့လေးကိုချစ်မက်ရှုရှိုက်နေရသည်။မြေကမ်ဘာ

မှာပင်မွေးဖွားလာသောလူသားတစ်ယောက်မို့မြေလွှာကိုချစ်သည်။မြေလွှာပျက်စီးမှု၊မြေဆီ

လွှာလျော့ကျမှုများဖြစ်လာမည်ကိုစိုးရိမ်စိတ်ကဲနေမိပြန်သည်။ထို့ထက်..ကိုယ့်အမိမြေ၏

မြေလွှာအမျိုးမျိုးကိုတန်းဖိုးထားမိသည်။မြေသင်းနံ့လေးတွေပျောက်ကွယ်သွားမှာစိုးရိမ်လာ

မိသည့်သောကစိတ်ကိုနွေဦးနှင့်အတူတိတ်တဆိတ်တွေ့ရှိခံစားမိရသည်။

မြေသင်းနံ့လေးတွေကျန်းမာနေစေဖို့ဆုတောင်းနေမိသောကျွန်တော့်ကိုဥသြငှက်ငယ်

လေးရောတွေ့နိုင်ပါမည်လား။

--------------------------------------------------------------

 အလွမ်းဟုနာမည်အလွယ်ပေးထားရသောခံစားမှုတစ်ခုဖြင့်ကျွန်တော်

အိပ်ရေးပျက်ခဲ့ဖူးသည်။ဘာ့ကြောင့်ခံစားရမှန်းကိုယ်တိုင်ပင်မရေရာခဲ့။အချစ်၊အလွမ်းဆို

သောခံစားမှုများကသူလျှိုဆန်လွန်းသည်ဟုထင်မိရသည်။အလစ်အငိုက်၌တိတ်တဆိတ်၀င်

ရောက်တိုက်ခိုက်တတ်သည်။သတိလက်လွတ်ငေးမောနေကြသောကျွန်တော်တို့အချစ်၊

အလွမ်းတို့၏ခြယ်လှယ်မှုမှာလိုက်ပါပျော်၀င်ကြရသည်။

                အချစ်၊အလွမ်းကိုအချစ်၊အလွမ်းအတိုင်းထားနိုင်ဖို့ခက်မည်ထင်သည်။အချစ်မှ အမုန်း၊အလွမ်းမှအရူးဖြစ်သွားတတ်သောသာဓကများစွာရာဇ၀င်နှင့်ချီ၍ရှိခဲ့ဖူးပါသည်။

ကျွန်တော်ကအချစ်ကိုအချစ်အတိုင်းထား၍အလွမ်းကိုအလွမ်းအတိုင်းထားနိုင်ဖို့တစ်ကိုယ်

ရေခွန်အားဖြင့်စိတ်ကိုသီးသန့်တည်ဆောက်နေမိသည်။တည်ဆောက်လက်စသီးသန့်ဖြစ်

တည်မှုတစ်ခုမို့ခိုင်မာကြောင်းအာမခံရန်စောလွန်နေသေးသည်။ကျွန်တော့်အားနည်းချက်

တစ်ခုမှာချစ်စရာရှိလျှင်အစွမ်းကုန်ချစ်လိုက်မိသည်။လွမ်းစရာရှိလာသောအခါလည်းအစွမး်

ကုန်လွမ်းရပြန်ပါသည်။ထိုအစွန်းရောက်ခြင်းသည်ကျွန်တော်၏အားနည်းချက်တစ်ခုဖြစ်

ကြောင်းသစ်ရွက်ကြွေသံ၊ဥသြငိုသံကြားမှသိရှိလိုက်ရသည်။အချစ်နှင့်အလွမ်းကိုနေရာ

တကျထားတတ်ဖို့အရှိန်ယူရပေဦးမည်။အချိန်ယူရပေဦးတော့မည်။                                                          

-------------------------------------------------------------------------------------------

                  နွေဦးညရိပ်ပြာများသည်လရောင်ဖြာလျှင်ရင်သပ်ရှုမောရလောက်အောင်ခမ်းနားတတ်သည်။

ဆောင်းည၊ မိုးညများထက်နွေညများကလရောင်နှင့်ပို၍လိုက်ဖက်မည်ထင်သည်။နွေညများ

သည်လရောင်ကိုအလိုလိုလိုအပ်နေတတ်သည်။လရောင်မဲ့သောနွေညများသည်ရေခမ်းနေ

သောမြစ်တစ်စင်းလိုပင်။မစိုပြေမတောက်ပ။လရောင်ဖြာခဲ့သောအတိတ်နွေဦးညများဆီမှ

အဘွားပြောပြခဲ့ဖူးသောရှေးဟောင်းနှောင်းဖြစ်များကစိတ်သန္တာန်မှာအစီအရီပြန်ပေါ်လာသည်။

လရောင်မဖြာသေးသောနွေဦးညတစ်ညမို့လရောင်ကိုချုံးချုံးကျလောက်အောင်လွမ်းနေမိသည်

။သစ်ရွက်ကြွေသံ၊ဥသြငိုသံ၊မြေန့ံသင်းသင်းတို့ဖြင့်နွေဦးကိုခက်ဆစ်ဖွင့်၍မလုံလောက်ပေ။လရောင်

ရွှန်းလဲ့လဲ့ကိုချန်ထားခဲ့လို့မရ။အို်က်စပ်ပူလောင်သောနွေညများ၀ယ်လရောင်အေးအေးမှာ

မမှေးစက်ချင်သူများရှိကောရှိနိုင်ပါ့မည်လား။

                  ငယ်စဉ်အချိန်များမှာတော့အဘွားတို့ငယ်စဉ်ကစံနစ်ဆိုးတွေအကြောင်းနှင့်

လွတ်လပ်ရေးရပြီးနောက်ပိုင်းအခြေအနေများကိုကြားနာခွင့်ရခဲ့သည်။စည်ဗြောသံသာသာနှင့်

ဆီကိုရေချိုး၊ဆေးရိုးမီးလှုံခဲ့ရသည်ဟုဆိုသောခေတ်တစ်ခုကိုလည်းပုံပြင်ပမာနားထောင်ခဲ့ရ

သည်။အဘွားကသူသိသလောက်ပဲပြောပြခဲ့မှန်းယနေ့အချိန်တွင်ကျွန်တော်ခံစားသိရှိနေပြီ။

အဘွားမသိနိုင်တော့သောစံနစ်ဆိုးတွေအများကြီးကျန်သေးမှန်းအဘွားကိုပြန်ပြောပြခွင့်ရလျှင်

တောင်ကျွန်တော်ပြန်ပြောမပြလိုတော့။ဆီကိုရေချိုးဟုတင်စားရလောက်အောင်စားသုံးဆီ

ပေါများခဲ့သည့်ခေတ်တစ်ခေတ်အကြောင်းယနေ့တစ်ချို့ဒေသများဆီမှကလေးငယ်များထံသွား

ရောက်ပြောပြလျှင်သူတို့လေးတွေယုံနိုင်ကြလိမ့်မည်မထင်ပါ။စည်ဗြောတွေတီး၍အလှူပေးကြ

သည့်ဓလေ့အကြောငး်ကိုသွားပြော၍နားလည်ကြလိမ့်မည်မဟုတ်ပါ။သူတို့လေးတွေ၏သောတ

အာရုံအတွင်းမှာပေါက်ကွဲသံတွေသာခိုအောင်းနေရှုှာပေလိမ့်မည်။လသာသောညများမှာလည်း ညအခါ၊လသာသာ၊ကစားမလား၊နားမလား၊ဟစ်အော်ခွင့်ရရှာမည်မဟုတ်။လရောင်စစ်စစ်ကို

မခံစားကြရရှာပဲနွေကန္တာလိုညဆိုးကြီးတွေဘယ်လောက်ဖြတ်သန်းခဲ့ရရှာမည်မသိနိုင်။ကျွန်တော်

အတွေးရပ်ပစ်လိုက်ရသည်။ကျွန်တော်ကပုဂ္ဂလိကအလွမ်းဖြင့်ညတစ်ခုမှာဆွေးမြည့်မြည်တမ်းနေ

သည်။မကျယ်ပြန့်သောအချစ်တစ်ခုဖြင့်နွံပြာအိုင်မှာနစ်နေသည်။

              စံနစ်ဆိုးတစ်ခုအောက်မှာကျရောက်နေဆဲဖြစ်သောဘ၀များကိုကရုဏာသက်ရုံမဟုတ်ပဲ

တစ်ဖက်တစ်လမ်းမှကူညီခွင့်ရဖို့ကြိုးစားခွင့်ရဖို့ကြိုးစားရမည်ဟုဆုံးဖြတ်ချက်ကိုချလိုက်သောအခါ

နှလုံးသွေးကပြန်ဆူလာသည်။ကျွန်တော်သိလိုက်သည်။ယခုတစ်ခါပြန်ဆူလာသောနှလုံးသွေး

သည်ကျယ်ပြန့်သောအချစ်တစ်ခု၏မွေးဖွားခြင်းအစဖြစ်ပါလိမ့်မည်။ပြီးတော့ဗိုလ်ချုပ်အောင်ဆန်း

ကိုရင်အသည်းထဲကလွမ်းတတ်လာအောင်ဗိုလ်ချုပ်၏လုပ်ဆောင်ချက်များကိုနှလုံးသားဖြင့်ပြန်

လည်ခံစားမည်။ထို့ပြင်မာသာထရီဇာ၊မဟတ္တမဂန္ဒီနှင့်နှလုံးလှသံတမန်စူငိဟာရတို့၏လုပ်ရပ်

ကောင်းများကိုလည်းရင်ဘတ်နှင့်လွမ်းတတ်ချင်ပါသေးသည်။အချစ်နှင့်အလွမး်ကိုနေရာတကျ

ထားနိုင်ဖို့ကျွန်တော်ကြိုးစားကြည့်နေမိခြင်းဖြစ်ပါသည်။

-------------------------------------------------------------------------------------

                      ကမ်ဘာမြေအတွက်မရှိမဖြစ်လိုအပ်သောကောင်းကျိုးပြုသူများကိုကျွန်တော်

ချစ်တတ်လာသည်။မရှိတော့ပြီဖြစ်သောကောင်းကျိုးပြုသူများကိုလွမ်းမောတသတတ်လာသည်။

သူတို့၏လုပ်ရပ်ကောင်းများကိုအနာဂတ်မျိုးဆက်သစ်တစ်ခုဆီပြန်လည်မျှေ၀ပေးချင်နေမိသည်။

                    ကမ်ဘာမြေအတွက်ကောင်းကျိုးပြုချင်သူပေါများလာလျှင်အနာဂတ်ကမ်ဘာသည်သာယာလှပလာ

မည်မှာမလွဲ။ နွေညရိပ်ပြာပြာ၌ငွေလသာသာ၏ချမ်းမြမှုကိုခံစားမိသူများလာမည်မှာလည်း အမှန်ပင်။

                   နွေညတစ်ည၏အိပ်မပျော်သောသံသရာ၀ယ်ကျွန်တော်ကအချစ်နှင့်အလွမ်းကိုခွဲခြားတွေးနေမိ

သည်။နေရာဒေသပေါင်းစုံမှနွေကန္တာညများဆီလရောင်လဲ့လဲ့ကိုမျှားပေးချင်နေမိသည်။ကျွန်တော်တစ်ဦးတည်းမျှားနေလို့မရ။ခေါ်ငင်နေလို့မဖြစ်။အချစ်၊အလွမ်းကိုနေရာတကျထားလျှက်ကျယ်ပြန့်သောအချစ်၊အဓိပ္ပါယ်ရှိိသောအလွမ်းများဖြင့်လူသားအားလုံး လရောင်ကို၀ိုင်း၀န်း၍မျှားကြမည်ဆိုပါလျှင်။

                                           ရတုသစ်