ဘ၀အကြောင်းတွေးရတာ
ဘယ်လိုမှ အသက်ရှူမ၀ခဲ့ဘူး
သံသယတွေပဲ မှော်အောင်နေမှတော့
ပျော်စရာရှာလေ ငြီးငွေ့မိလေပဲ
တစ်ကိုယ်ရေ ညတွေသာအထပ်ထပ်မို့
ဖြတ်လက်စ ကြိုးတွေလည်း တင်းနေတုန်း
သက်ပြင်းတွေချည်း ခလုတ်ဖြုတ်နေရတာ မုန်းတယ် ။
ဆုံးရှုံးမှုမျိုးစုံထဲ
ကိုယ့်ကိုယ်ကို ဆုံးရှုံးရမှာ အကြောက်ဆုံးပေါ့
"တုံးတိုက်တိုက်..ကျားကိုက်ကိုက် " မာန်သွင်းလို့
မသေချာခြင်းများထဲ ရဲရဲတိုး၀င်မိ
သန္တိသုခ ဇယားကွက်ထဲမှာ
လက်မှတ်ထိုးဖို့နေရာမတွေ့သေးဘူး ။
ရူးရူးမိုက်မိုက် ကန်းနေရတာနဲ့ပဲ
သံသရာမှာအရေခွံအထပ်ထပ်လဲခဲ့ရ
ဘ၀က
ခုထိ..Proof (ပရုဖ်)ပြန်ဖတ်နေရဆဲ စာမျက်နှာ...။ ။
ရတုသစ်
၂၆၀၅၂၀၁၃
ည၈နာရီ ၅၅ မိနစ်
No comments:
Post a Comment