အိပ်မက်ရုပ်ကြွင်း

အိပ်မက်ရုပ်ကြွင်း
============

အိပ်မက် ရုပ်ကြွင်း
လွမ်းအောင် ညှဉ်းခဲ့
အလင်းထဲမှာ
မြင် ဓာတ် ရှာလည်း
တွေ့နိုင် ခဲ ။

အိပ်မက်ရုပ်ကြွင်း
တွေဝေခြင်း နဲ့
မကင်းပြတ်သေး
မှိုင်တွေငေးမြဲ
လေလွင့်ဆဲ ။

အိပ်မက်ရုပ်ကြွင်း
ခါခါငြင်းလည်း
အတင်းတွယ်ငြိ
ရင်ကို ဖိသည်
စိတ် ဝေရီ ။

အိပ်မက်ရုပ်ကြွင်း
ရှိန်ဟုန်ပြင်းခဲ့
မာန်တင်းအံတု
အာရုံစုလည်း
လျော့ရဲ ဆဲ ။

အိပ်မက်ရုပ်ကြွင်း
လေညင်းမဟုတ်
ပူရုပ်ကိုဖမ်း
လေကြမ်းမဟုတ်
စိတ်ရှုပ်ထွေးကြောင်း
ရင်ကိုထောင်း၍
ဖြောင်းဖြောင်းကျိုးကြေ
အစိမ်းခြွေသည်
တွေဝေ စိတ်စဉ်
မုန်တိုင်းဝင်သို့ ။ ။


ရတုသစ်
၁၃၇၅ ခုနှစ် ။
ဝါဆိုလဆန်း ၅ရက်
နေ့ ၁၁နာရီ ။ ၅၀ မိနစ်