မန္တလေးလား..ခရီးထွက်သွားတယ်

ပဒေသရာဇ်ခေတ်ကိုလွမ်းလို့တော့ မဟုတ်ဘူး
အတွေးလူးလွန့်တိုင်း
ရွှေကျိုင်းတလူလူနဲ့သဲဖြူ ၊ရာဇမတ်တွေကို တ,သမိ
မန္တလေးကို ခုထိ တမ်းမက်နေတုန်း ။

မသိမသာဝင်လုံးတဲ့လက်သီးပုန်းတွေအောက်
မန္တလေးဟာ ဒူးထောက်ခဲ့လေပြီလား
သွေးရဲသလား ပြသဖို့ထက်
အူမတောင့်ဖို့အရေးပေါ်အခြေအနေဖြစ်သွားခဲ့
သွေးအားလျော့နေတဲ့ မျိုးချစ်စိတ်ကို
ဘယ်လို ပြန်ကုစားကြမလဲ ။

နှလုံးသားတွေကို
အနာဂတ်ပြတင်းပေါက်တွေထိလှမ်းမြင်ခိုင်းထားပါ ။

မြန်မာလို ရိုးရိုးလေး မေးချင်တယ်
မြန်မာလို သွေးရဲရဲနဲ့ဖြေပေးနိုင်မလား
မန္တလေး ဘယ်ရောက်သွားလဲ..မေးလိုက်ပြီ ။


ဈေးချိုနားမှာလား..ဟင့်အင်း
မန္တလေးတောင်မှာလား ..မဟုတ်သေးဘူး
ကျုံးဘေးပတ်လည်လား..မတွေ့မိပါဘူး
ကန်တော်ကြီးမှာရော..မရှိတော့ဘူး
မြို့တွင်းမှာရောတွေ့သေးလား..တစ်ခါတစ်ရံပါပဲ
ဒါဆို မန္တလေးပျောက်ကြော်ငြာထည့်သင့်ပြီ ။

သူခိုးဆိုတိုင်းမျက်နှာဖုံးပါမယ်ချည်းမထင်နဲ့
အသွင်အပြင်ကိုပဲကြည့်မိလို့
နှစ်ခါမက နာခဲ့ပေါင်းများလှပေါ့ ။

ဖော့ဖော့တွေးရင် ရေးရေးပဲမြင်တာ သဘာဝ
ကျုပ်ကတော့
မန္တလေးကို မန္တလေးလိုပဲ ပြန်တွေ့ချင်တယ် ။

ခင်ဗျားတို့မြင်လိုက်လား
မန္တလေးကို တွေ့ရင်အကြောင်းကြားပေးပါ ။

အောင်ပင်လယ်မှာ လိုလို
ရန်ကင်းတောင်ဖက်မှာ လိုလို
မြရည်နန္ဒာမှာ လိုလို
မြို့ဟောင်း ဘူတာနားမှာ လိုလို
မန္တလေးကို တွေ့ရင် ပြောပေးပါ ။

နေညိုချိန်တိုင်း စက်ဘီးကိုယ်စီနင်းလို့
ထမင်းချိုင့် ပိန့်ပိန့်လေးတွေသယ်ဆောင်ရင်း
ရွှေခြေကျင်းမဲ့ခြေထောက်လေးတွေ
အိမ်ပြန်သွားကြမှာလား
အိမ်ပျံသွားကြတာလား ။

အဖြေစကားသဲ့သဲ့ကြားလိုက်မိ
မချိတင်ကဲ ဖြစ်ကျန်ခဲ့ရတာရင်နာလို့မဆုံးဘူး ။

နောက်ဆုံးရသတင်းလွှာကို
ကဗျာခေါင်းစဉ်မှာ တင်ထားလိုက်ရတယ် ။ ။

   . . . . ..ရတုသစ်
  .(4-2-2013 ..10:10Pm)