အိပ်မက်တွေကြွေတဲ့..ည

အဆိပ်သုတ်ထားတဲ့သစ်သီးတစ်လုံး အတွက်

အတုံးအရုံး ပြိုကျ ပဲ့ထွက်

သန်းခေါင်ထက်ညဟာ ပိုနက်ခဲ့ပေါ့..။

ဗရုတ်ဗရက်နဲ့ ဝေ့တက်လာတဲ့ အာသ၀များက

ပြတ်ရှမယ့်ဓားသွားထက်ထက်လို

တလက်လက်စူးရှလာခဲ့တယ်..။

မတူးဆွခင် ကျင်းကနက်ပြီးသားမို့

တစ်ရက်ထက်တစ်ရက် နက္လာတဲ့ ၀ပ်ကျင်းမှာ

အကျဉ်းသမားအဖြစ်ကို ကိုယ်တိုင် ငုံ့လျှိုးမိနေရဲ့ ။

မက်မပြေတဲ့ အာသာဆန္ဒများနောက်

ချောင်းပေါက်မတတ်တကောက်ကောက်လို်က်ရင်း

အလင်းမဲ့နာရီတွေ တစ်ပတ်ပြီး..တစ်ပတ်

သတ်မှတ်ချက်မရှိတဲ့ဘ၀ဟာ ခိုင်မာခဲ့တယ်..။

မပြိုင်ခင်ကရှုံးနှင့်တယ်..ဆိုပြီး

မရုန်းထွက်ချင်သရွေ့

ရှုံးပွဲတွေ့နေတဲ့ ကိလေသာကြိုးဝိုင်းထဲမှာ

ပြိုလဲရမယ့် ဘ၀ က အသချေၤများစွာ...။

ဘဝါ ဘဝကိုလည်းမအောက်မေ့တတ်တော့

အလင်းငတ်နေတဲ့မျက်ဝန်းတွေက

အမှောင်ယွန်းချင်တိုင်း ယွန်းခဲ့ရ

သမုဒယညှို့စောင်းသံမှာ ဆန့်တငင်ငင်ဖြစ်

မနိုးတမ်း အိပ်ပစ်ချင်နေမိတာ ဆန်းသလား

မဆန်းပြားတဲ့ လူအနွံထဲမှာ

သည်းသည်းမဲမဲလူးလွန့်မှေးစက်ရင်း

အလင်း/အမှောင်ဝိရောဓိ အတွက်

အဖြေခက်တဲ့ပုစၦာတွေ ရှုပ်ထွေး အေးစက်

အိပ်မက်တွေတောင်ကြွေခဲ့ရပေါ့..

မဟူရာညက အမှောင်ကြီးမှောင်ဆဲမို့

ဒီ ဝဲ က အခုထိ မလွန်မြောက်နိုင်သေး..

ဒီ ည က အခုထိ မိုးမလင်းနိုင်သေးဘူးလေ..။

                                       ရတုသစ်

                            ( 24 / 9 /2012..10-13 pm)