* ငါတွေ့ ရန်ကုန် *
အရင်လို မဟုတ်တော့တာကလွဲလို့
အရင်အတိုင်းပဲ တချို့အရာတွေ
ဒီမြေမှာ ဆက်လက် သီးပွင့်နေကြတုန်း ။
တရုန်းရုန်းချီတက် တဝုန်းဝုန်းတိုးဝှေ့ မြင် ကွင်းဟာ
စိတ်ပြင် ကျယ်ထဲ တရစ်ဝဲဝဲ ပေါ်ပေါ်လာခဲ့ပေါ့
မျှော်တော်ဇောနဲ့မောခဲ့ရတဲ့နေ့များ
ဘယ်ဘုရားသခင်ဆီက ကောင်းချီးပေးချိန်စောင့်ရမလဲ
အသည်းတွေဟာ
မာကြောကြွပ်ဆတ် ထုံအလာကြတယ်။
ခဏလေးများ
ခဏလတ်များ
ခဏကြီးများ များစွာ
ဘယ်ခဏကို လွှာကြည့်ကြည့်
စိတ်နဲ့သိမ်သိမ်မွေ့မွေ့ငြိတာ ရှားလာပြီ ။
ဒါဟာဒါတွေဟာ
ဘဝ ပါလို့ ဘယ်လိုအ ကြောင်းပြပြ
အ မှောင် ချခံနေ့ရက် အသိုးတွေထဲကကိုမလွတ်ခဲ့ဘူး။
စွတ် ရွတ် ချိတ်ဆွဲလိုက်တဲ့ ဆူးခက် ရိုးတံမှာ
လ ရောင် ဝါဝါလေးတောင် မှောင် ခိုစိတ်ကူးသွားရောပေါ့
သော့သော့နှင်လေ ခရီးမတွင်လေဖြစ်နေမှုများ
ဘယ်လမ်းက မောင်းမှ ဂိတ်ဆုံးရောက်မလဲ
စွဲချက်တင် ခံထားရတဲ့ရလိုခြင်းတွေ
ခုထိဆိုင်းငံ့အ ခြေ အ နေကမလွတ်မြောက်သေး
ချိုမြိန်မှုဟာ ဝေး ဝေး လာ တယ်
ခါးသက်မှုဟာ ကပ် ကပ် လာတယ်
ဒီလို အမြတ်အစွန်းမထွက်တဲ့နေ့တွေဆို
သောက်နေကျလက်ဖက် ရည်ဟာမဆိမ့်တော့သလိုပဲ
ဘာကိုစားစားအာဟာရလည်းမဖြစ်တော့ဘူး ။
အညစ်အကြေးအမှိုက်သရိုက်များထဲ
မြောင်းထဲက ရေတွေစီးဝင်ဖို့ အခွင့်အရေး မပေးဘူး
အေးအေးဆေးဆေး ရေ တွေဆန္ဒပြခဲ့ကြလမ်းပေါ်မှာ
လမ်းဟာမလန်းတော့မြစ်ချောင်းယောင်ဆောင်ပြတယ်
တက်မပါတဲ့ကားတွေ
ရေကူးဖို့ခက်ခဲတွန့်ဆုတ်နေကြတုန်း
ရသမျှအချိန်ဟာအတုံးအရုံးလုယက်ခံရပြီ လမ်းပေါ်မှာ ။
အတက်အကျမြန်လွန်းတဲ့ဆက်ဆံရေးနဲ့
ထိုးကျွေးသိပ်ထည့်ပေးထားရတဲ့ယုံကြည်မှုတွေ
ဘယ်လိုဖြေလို့မှမ ပြေတဲ့အဆိပ်ဆူးလို
ဆွဲဖျက်တူးနှုတ်ပစ်လည်းသွေးထွက်သံယိုဖြစ်ဖို့ပဲ ရှိတယ် ။
ပကတိ အတိုင်းမြင်ချင်ရင် မာယာများတတ်မှပေါ့
မလိမ်မိုးမလိမ္မာတွေဆို ဓာတ်စာလိုစားသုံးဖို့အသင့်ပဲ့
လူ့အခွင့်အ ရေးဆိုတာ
လမ်းမပေါ်က လူအုပ်ကြီးတွေရဲ့ပါးစပ်ဖျားမှာ
အခါခါအော်ဟစ်လည်းမကြားချင်ယောင်ဆောင် ထားတဲ့နားတွေ
လမ်းမ တွေဆီခြေဦးမလှည့်ကြဘူး ။
တိုက်တာအ ဆောက်အဦချင်းအရပ် ရှည်ပြိုင် မယ်
လူလူချင်း ယိုင်နဲ့နေတာ ဝိုင်းနှဲ့မယ်
အလှည့်အပြောင်းပြကွက်ချင်း ရှိုးထုတ်မယ်
မိုးကုပ်စက်ဝိုင်းဟာ
တဖြည်းဖြည်းပြန့်ပြူးပြေ လျှောလာတယ်
သဘောရိုးရိုးနဲ့ထွေးဆုပ်ထားတဲ့တွဲလက်တွေ
ရက်ရှည် သိုလှောင်မရတဲ့နေရာဟာ
အဲဒီ ကြားဖူးနားဝနေရာမှာ ရှိနေတုန်းပဲ ။
အတုန်းအရုန်းပြိုကျလာတဲ့ကြပ်ကြပ်တွေ
လမ်းတွေ လူတွေနဲ့ရင် ဘတ် တွေထဲ
ကြိတ်မနိုင် ခဲမရ ဝင် ပူးကပ်ခဲ့ပေါ့
မ နေ တတ် ရင် လှည့်ပြန်ပါ
နေ တတ် ရင် မြန်မြန် ပြန် ပါ
ကြားညှပ် နေတဲ့ ဝေါဟာရ အသုံးတွေနဲ့
ရန်ကုန်ဟာ
လာသမျှတိုင်းကို မဲ့ပြုံး ပြုံးပြတယ်
အဲဒီအပြုံးဟာ
ခါးသက်ပေမဲ့ မျိုချရလွယ်ပါတယ် ။
ရတုသစ်
2 comments:
In exactly the same sense, businesses would be wise
to offer their workers something to unite under. She invites one to visit her site where
she is going to share a proven way to start an internet business.
" The company sees innovation as considered one of its core organizational competencies.
Feel free to visit my weblog :: http://www.devaffair.com/2013/01/privacy-laws-united-states-and-globally.html
Hello! I realize this is somewhat off-topic however I needed to ask.
Does running a well-established blog such as yours take a massive amount work?
I am brand new to blogging however I do write in my journal everyday.
I'd like to start a blog so I can share my personal experience and views online.
Please let me know if you have any kind of ideas or tips for brand new aspiring blog owners.
Appreciate it!
my web blog :: Miami Dade Intuit QuickBooks Solve Problem
Post a Comment