“ ဇွန် ”
မိုးထဲလေထဲ
စိတ်ကို လာထွန်ယက်ခဲ့သူ
လောကအမွန်ဆီ ငါ့ကို အလည်ခေါ်ပါ
အိပ်မပျော်သူရဲ့ ကောင်းကင်ကြီးဟာ
ငါ့ဆီ တအိအိပြိုကျလာခဲ့
ညနဲ့အမှောင်ကို
အိပ်ချင်ယောင်ဆောင်ပြီး စောင့်ဖမ်းမိသူလို
ငါ့ကိုယ်ငါ အိပ်မက်ပေးခဲ့ပြီ
ဇွန်...
နှလုံးသားမှာ လျှပ်စီးလက်ပါ
ရင်ခုန်သံကို ကြိုးညှိပေးပါ
ငါ အေးအေးဆေးဆေး မိုးမိချင်လို့ ။ ။
ရတုသစ်
28082014
4:41PM
“ ပူမှု ကုဋေကုဋာ အခန်းဆက် ဇာတ်လမ်း ”
ဆံနွယ်စလို စိတ်တွေကို စိမ်ပြေနပြေ ဖြီးသင်ချနေရာ
ဒုက္ခနဲ့ ကျောချင်းကပ်ထားတဲ့ရပ်တည်မှု အခြေအနေ
ရင်ဘတ်ထဲမှာ ကျကွဲနေတဲ့ အိမ်လွမ်းစိတ် တငွေ့ငွေ့
ချက်ချင်းလက်ငင်း တရားတွေ့တော့မလိုလိုမျက်ရည်
သန္တိသုခနဲ့အသင်္ချေများစွာ အကွာအဝေး ဖြစ်တည်ခြင်း
ပျက်စီး/ပြိုကျလုလု ရိုးသားစိတ်ထောက်တိုင်လေးဆီ
လောကဓံက ဧည့်ဝတ်ပျူငှါ ၀င်/ထွက် ခလုတ်တိုက်လို့
ရင်ချင်းဆိုင်ထိခိုက်မိသော တအုံ့နွေးနွေး ညနေမှောင်ရီ
အလင်းယဲ့ယဲ့ထံမှ အငမ်းမရသဲ့ယူမိသောလက်ငင်းများ
အော်ပရာပြီးဆုံးရန် လက်တစ်ကမ်းအလိုမှ နှိုးစက်သံ
နောက်ချန်ဇာတ်လမ်းအဆက်ကို ဆက်လက်ပြသပေးပါ
သေမင်းတမန်မျက်နှာဖုံးရဲ့ အခြားတစ်ဖက်မှာ အသက်
ပျက်စီးရခြင်းက ဖြစ်တည်မှုထက် လွယ်ကူနိုင်ပါ့မလား
အကြောင်းကြောင်းကြောင့် အကျိုးအဆက်ဆက် ဘ၀
သံသရာRecycleကို ပဋိစ္စသမုပ္ပါဒ်မှာဆွဲမထည့်ဖြစ်ခဲ့သူ
ငါ/သူတစ်ပါး/ယောက်ျား/မိန်းမ/နပုန်းတွေထဲ တရစ်ဝဲဝဲ
အတောမသတ်နိုင်အောင် တရားကိုင်လက်ကို ရှာမတွေ့
အေးမြခြင်းကို အဘိဓာန်မှာ မင်နီတား ထားခဲ့လိုက်ပြီ။ ။
ရတုသစ်
23072014
8:50PM
ိ
“ ၀ဋ် ”
နာကျင်မှုများများ
သိပ်သည်းဆများများ
ဒဏ်ရာဒဏ်ချက်ဖွားရရားနဲ့
စိတ်ရဲ့ကြွပ်ဆတ်မှုတိုင်းမှာ
ကဗျာကို ဗီတာမင်လိုမှီဝဲနေရတယ်
အသည်းနာလိုက်တာ ။ ။
ရတုသစ်
၁၁၊၇၊၂၀၁၄
ညနေ ၅:၅၅ နာရီ
" မြတ်ဘုရားထံတော်ဝယ် "
မက်ဆေ့ခ်ျဟောင်း
ပြန်ပြောင်းလို့ဖတ်မိလျှင်
ဘယ်ရင်အုံကျွမ်းရှရှ
လွမ်းတ,တုန်ရင် ။
ဘုံတစ်ခွင်
ကြုံချင်တော့ဘူး လွမ်းဒဏ်များ…
လောင်ကျွမ်းရန်အားမရှိပြီကွယ့်
ထားကတိကိုမျက်ကွယ်မပြုနိုင်လို့
တစ်သက်ဝယ်ပျက်ပြယ်မသွားပါကြောင့်း
လက်ဆယ်ဖြာဦးတင်သ,ပါပေါ့
ဖူးမြင်ကာ ရှေ့တော်မှောက်ကို
ရောက်ခဲ့ပြီဘုရား ။ ။
ရတုသစ်
26012014
11:35AM
*မိုး ဒုက္ခ*
မိုးရွာ ဗွက်ပေါက်
အာရုံနောက်
တောက်ခေါက် အံကြိတ်
မိုး မတိတ် ။
မိုး ရွာတိုင်း လွမ်း
စိတ် ပင် ပန်း
ရင် နွမ်း လူး လှိမ့်
တ သိမ့် သိမ့် ။
မိုး ရွာ ဖွဲ ဖွဲ
စွတ် စို ဆဲ
ရင် ထဲ ဖိန့် ဖိန့့် 
လွမ်း စိမ့် စိမ့် ။
* ရတုသစ်
16092013
7:05 pm
"ကမ္ဘာပျက်ခြင်းနေ့စွဲ"
အကျင့်ပျက်ခြစား ရေစီးကမ်းပြို မိုးတိမ်အဝါ
လေယူရာတလွင့်လွင့်ရယ်သံပေးလိပ်ပြာတောင်ပံ
မနက်ဖြန်ပေါင်းများစွာအခြေအနေရေမျောနွံနစ်
လိပ်ဖြစ်ပြီးမှအမြန်လမ်းမကြီးကိုအိပ်မက်မက်ခြင်း
အိမ်ပြေးများစိတ်လိုလက်ရတစ္ဆေခေါ်သံသချုင်္ိင်းမြေ
ကမ္ဘာ့ကြမ်းပေါက်ကြီးထဲ ငရဲရှစ်ထပ်ဟပ်ချိုးမြည်သံ
ချောင်းဟန့်သံတဝုန်းဝုန်းမှာ အပြုံးအမဲ့များရဲ့သိက္ခာ
ကြက်ဥအစရှာမရသလို တဝေ့ဝေ့ လုံးချာလည်ပြီး...
နောက်...
ဆက်လက်ထွက်ခွါရန်...
အကြောင်းအရာ ရှာမတွေ့သူ။ ။
ရတုသစ်
၁၃၀၆၂၀၁၄
မွန်းလွဲ ၁၂း ၀၃
်
