စိတ်ရဲ့ပြတင်းတံခါးတွေက တစ်ဆင့်
ငါ့ အချစ်ကို လွှင့်လိုက်ရတာ..
မင်းရဲ့နှလုံးသားဆီ..တည့်တည့်..။
တုံ့ပြန်မှုအဖြစ်..
မင်းရဲ့အပြုံးလေးကို ဖွင့်လှစ်ခဲ့ပေါ့..။
ရင်နင့်ရမယ်ဆိုရင်..
အလွမ်းကို တောက်ခေါက်ပြီး နှင်ထုတ်ပစ်မယ်..။
အခုတော့
မင်းကို ငါက ငင်သလို
မင်းကလဲ ငါ့က်ို ရစ်နှောင်ခဲ့
ခမ်းနားတဲ့ သံယောဇဉ်တွေ လက်လက်ထလို့ပေါ့..။
ဘ၀ကပေးထားတဲ့
အနားသတ်လမ်းကိုလျှောက်ရင်း
မေးငေါ့နေတဲ့ မိစ္ဆာများ
လက်ညှိုးထိုးနေတဲ့ကံကြမ္မာဆိုးများ
ခေါက်ရိုးကျိုးနေတဲ့အိပ်မက်များ
ဖြတ်ကျော်ဖို့ကြိုးစားရင်း
နှလုံးသားချင်းပဲ နီးနီးလာ..
လူချင်းကတော့ ကွာဝေးနေရဲ့..။
မင်းရင်ထဲမှာ..အချစ်ရှိနေသရွေ့
ဘယ်အချိန်ဖြစ်ဖြစ်..
ငါ့ နှလုံးသားတည့်တည့်ကို ချိန်ပစ်လိုက်ပါ
မင်းအတွက် ငါ
ပန်းတစ်ပွင့် ပွင့်ထားမယ်။
ရတုသစ်
(18/9/2012)
3 comments:
၀ွက္ဖဲလာဖြင့္တာ ဖြင့္ႀကည့္ေတာ့ ကဗ်ာခ်စ္သူရဲ႕ ရိုးသားတဲ့ႏွလံုးသားကို ေတြ႕လိုက္ရတယ္။
ကဗ်ာေကာင္းေလးေတြခံစားရင္ လင့္ယူသြားပါတယ္
ကဗ်ာေကာင္းေလးတစ္ပုဒ္ း)
Post a Comment