အလိုမကျမှုတွေပဲ နင့်နင့်နဲနဲကြုံတွေ့မိ
ဘုံဓလေ့ရဲ့အခမ်းအနားက မဆန်းပြားပေမဲ့ လမ်းများတယ်
ညစ်ကျယ်ကျယ်လောကသားတစ်ချို့ထဲ ပလူးပလဲအလွမ်းသင့်ရ
ဘ၀ဟာ တိုလွန်းတယ်ပြောလဲ မယုံချင်သလိုလိုနားကြားလွဲဆဲ
အလွဲတွေပဲ တလွဲတချော်ဖြစ်လွန်းတော့ နစ်မွန်းမှုကရှည်ကြာခဲ့ရပေါ့ ။
အရောင်ဖျော့လာတဲ့အနာဂတ်လမ်းဟာ မပီ၀ိုးတဝါး မှုန်ေ၀
လေပြေချည်းမျှော်လင့်မိသူတရားကျဖို့အချိန် သင့်တာလား?
ရင့်ရော်လာတဲ့သီအိုရီတွေစံလွဲဖောက်ပြန်လာခဲ့ပြီ ။
စား ,၀တ်,နေရေး /နေရေး, ၀တ်,စား /၀တ်,စား,နေရေး /စား, နေရေး, ၀တ်
မကျွတ်မလွတ်ပြိတ္တာတစ်ကောင်လို ဘ၀အနှောင်က မြဲတယ်..
လဲကျလိုက်/ပြန်ထလိုက်ဒဏ်ခတ်ခြင်းမှာ အပြစ်ပေးခံရသူလို ထိုင်,ထနဲ့နေသားတကျ
ဆက်ရမယ့် ရှေ့ပြေးလမ်းအတွက် နှောင့်နှေးကြန့်ကြာလွန်းရဲ့
သူများတွေမွန်းတည့်မှ အရုဏ်ဦးရောင်နီသမ်းစပြုရမယ့် ဘ၀
ဒုက္ခရဲ့ပွတ်ဆွဲမှုမှာထက်မြက်ခြင်းဟာကစဥ့်ကလျား
ပါးလျလာတဲ့ကိုယ်ရည်သွေးက ပြန်ဖြည့်ဖို့မလွယ်ကူနိုင်ခဲ့
ဒီလိုနဲ့...မိုးသောက်/မွန်းတည့်/မွန်းတိမ်း /မိုးချုပ် စုန်းစုန်းမြုပ် ။
အနှုတ်/အစားများလွန်းတဲ့ကစား၀ိုင်းတစ်ခုမှာ ပါ၀င်မိလျက်သား
လည်သူစားစီးကြောင်းထဲမှာ ဗလောင်းဗလဲဖြစ်ကျန်ခဲ့
ထိုးအန်လို့မရတဲ့အဆုံး မချိပြုံးနဲ့မြိုချလိုက်မိ
ကတိ ကို သစ္စာဖောက်သူတွေထဲ ဖရိုဖရဲ လဲပြိုကျ
အလိုလိုစွပ်မိထားတဲ့၀ဋ်ကြွေးထဲ မလုံမလဲ နောက်ကျောက စိမ့်တယ် ။
ဒလိမ့်ခေါက်ကွေး ပြုတ်မကျအောင်ကျားကန်ထားရ ဘ၀ချည်တိုင်
မမြိုင် မဆိုင်ဗုံတီးသံတွေကြား အလမ္ပါယ်ဆရာရဲ့မြွေလိုအစွယ်ကျိုး/ အဆိပ်ပြတ်
တံဆိပ်ကပ်တွေပြောင်းပေမယ့်အရည်အသွေး စံ မမီတဲ့စားသောက်ကုန်တွေနဲ့အသက်ဆက်ရင်း
အလင်းဟာ မှောင်ချင်ယောင်ဆောင်နေတဲ့ အိမ်တစ်လုံးထဲမှာ
၀ှက်ဖဲတစ်ချပ်ကို မြေလှန်ရှာနေမိတဲ့လူတစ်ယောက် အဖြစ်နဲ့
" ခွေးမြီးကောက်..ကျည်တောက်စွပ်"ဆိုတဲ့ စကားပုံကို
အနုလုံ /ပဋိလုံ စဉ်းစားခန်းဖွင့်နေတယ်..။
ရတုသစ်
( 15/ 11 /2012 --2:40 AM)
2 comments:
ဟယ္ရတုရယ္ဒီကဗ်ာလဲတကယ္ေကာင္းတယ္ဟ။ အမွန္တရားေတြခ်ည္းေၿပာသြားတာအရမ္းႀကိဳက္တယ္။
ေကာင္းမွေကာင္း...တပုဒ္လံုးကို လႊတ္ၾကိဳက္တယ္
ေနာ္ ကိုရတု...မုိးနတ္ခံစားခဲ႔ပါတယ္...
Post a Comment