ဒုက္ခချို

*မြောက်ပြန်လေနှင် ၊ ဆောင်းရိပ်ဆင်၍

  ရှစ်ခွင်မှိုင်းညို့ ၊ နှင်းစို့စို့၀ယ်

  လွမ်းဖိို့ဖန်လာ ၊ဤ ခြင်းရာကြောင့်

  ရင်မှာဆွေးမြေ့၊တစ်ငွေ့ငွေ့ဖြင့်

  ဝဲဝေ့ပြိုကျ ၊မျက်ရည်စတို့

  လွမ်းရမည့်ရေး ၊ကဗျာတေးကာ

  ပူဆွေးရတက် ၊ရင်မှာအက်၍

  စက်စက်နီစွေး ၊ နှလုံးသွေးလည်း

  ကွာဝေးမည့်ဒဏ် ၊သေချာဖန်လို့

  ပွင့်အန်ထွက်ကျ၊ လွမ်းနာရပြီ

  မွမွကွဲကြေ..အသည်းမြေ..။

*ချစ်လျက်နှင့်လေ ၊ကြမ္မာပွေသော်

  နီးနေလျက်က ၊ ဝေးကြရပြီ

  ဘ၀တစ်ကွေ့ ၊ ခဏတွေ့လည်း

  မမေ့နိုင်သူ ၊ရင်မှာ ပူ၍

  ဝေဆူလျှံတက် ၊ မျက်ရည်စက်တို့

  လက်လက်ကြွေကျ ၊လွမ်းပါရလည်း

  သူကမသိ ၊ နေနိုင်ဘိသည်..

  ချစ်မိသူမှာ..လွမ်းရှည်ကြာ..။

*သြော်...

  ၀ဋ်ကြွေးလို့ပဲ ၊ စိတ်မှာစွဲကာ

  ရင်ထဲဘယ်ထိ ၊လွမ်းဒဏ်ပိလည်း

  ချစ်မိသူသာ ၊တမ်းတပါ၍

  ရင်မှာလွမ်းရ ၊ ဤဒုက္ခကို

  ချိုမြသလို ၊ ရင်မှာသိုလျက်

  လိုလိုလားလား ၊ သိမ်းလို့ထားမည်..

  လွမ်းများဝေဆာ..နေ့စဉ်သာ...။

                  ရတုသစ်

          ( ၂၂-၁၁-၂၀၁၂ )