သဘာ၀အလှတရားဟာ သဘာ၀ကျကျ
အိပ်မောကျခွင့်ရပါရဲ့လား ကမ္ဘာမြေ ။
ကောဠာဟလ /တွက်ခြေပေါင်းစုံမှာ
ရင်တုန်ပန်းတုန် လုံခြုံမှုနဲ့
ပဲ့ထွက်နေတဲ့ဘ၀ အထွေထွေ။
တလှိုက်လှိုက် ရှိုက်သံတွေအစား
တရားမျှတခြင်းဟာ နေရာယူပေးပါ ။
အခါခါပြန်တောင်းနေရတဲ့ ကိုယ့်အရိပ်မှာ
စာနာတရားတို့ မှေးမှိတ်နားနေပါ ။
ဧရိယာပြင်ပရောက်ရောက်သွားတဲ့
မိသားစု ကမ်းလက်တွေထဲ
ခိုင်မြဲမှုကို ချိတ််ဆွဲပေးပါ ။
ညီအစ်ကို မသိတသိ အမှောင်မှာ
သွေးဆာနေတဲ့ ပူလောင်လက်တွေအစား
ရင်ချင်းဆက်ပွေ့ဖက်မယ့်
ပန်းပျိုးလက်တစ်စုံစီ မွေးဖွားပေးပါ ။
အခြေအနေ အရ
ကိုဓ ဥပေဒကို ရိတ်သိမ်းပစ်လိုက်မှ
အဟိံသကနဲ့ငြှိမ်းမှ ငြိမ်းမယ် ။
ကမ္ဘာနဲ့လူသားဆီ အအေးဓာတ်ကိန်းဖို့
မိခင်တို့ရဲ့မဟာ၀ိညာဉ် ငြိမ်းချမ်းပါစေ ။
နေ့သစ်တွေ ဂီတသံချိုဖို့
ငြိမ်းချမ်းရေးငှက်တို့ တေးသီဆိုပါစေ ။
မေမေတို့ရဲ့ မေတ္တာဓာတ် အစွမ်းက
ကမ္ဘာ့ရပ်၀ှန်း အသီးသီးဆီ ကျရောက်
လူ လူချင်းမြင်တဲ့ အသိဉာဏ် ပေါက်ပါစေ ။
အေးမြပါ ၀င်းပပါ ချိုသာပါ
တေးဆိုပါ မွှေးချိုပါ ကမ္ဘာမြေ ။
ရတုသစ်
No comments:
Post a Comment