အလွမ်းတွေ ပျို့ပျို့တက်လာတဲ့ရင်ဘတ်က
အကြင်နာငတ်တဲ့အကြောင်း အသံမထြက္ဘူး
တလှပ်လှပ်ခုန်နေတဲ့စည်းချက်အတိုင်း
အရူးမီး၀ိုင်း ဖြစ်နေတဲ့စိတ်ကို အ့ံသြတယ် .....။
မြင်မြင်သမျှ မည်းနေတော့ .....
မည်းမည်းမြင်ရာ ရန်လိုက်ရှာတယ်
မိငယ် .... နင့်လက်ချက်ပေါ့ ....
နဖူးမွာ ကျဉ်ဆံတပ်ပေးပါ ......။
အစပ်အဟပ်မတည့်တဲ့ ရင်ခုန်သံချင်း သံစဉ်ညှိဖို့
ငါတို့ ရင်ဘတ်တွေဟာ ကြိုးပျောက်နေကြ
ဘ၀ အကွာအဝေးကိုငါ့သွေးနဲ့တံတားထိုးလိုက်ပါ့မယ် .... မိငယ် .....။
ကျေးဇူးပြု ပြီး ဖိနပ်ချွတ်ပေးပါ
ခြေဗလာနဲ့မှ နင်းခွင့်ပြုမယ်
ဂုဏ်အရှိန်အဝါတွေ ကွာကျပါစေသား .....။
နယ်ခြားမျဉ်းမလိုတဲ့ နှလုံးသား၀တ်မှုန်ကူးပွဲမှာ
မေတ္တာနဲ့သစ္စာသာ ထည့်ယူခဲ့ပါ မိငယ်.....
အလဲအလှယ်ဟာ ငါ့ဘ၀နဲ့ထပ်ပြီး ညီမျှခြင်းထိုးတားတယ် .....။
ရင်သဲရောင် အိမ်မှာပျော်ပါ ၊
နှလုံးသား ဟင်းစားပါ ၊
နှလုံးသွေး ချိုချို သောက်ပါ ၊
ငါ့ဘ၀ကို မှောက်ချင်လဲ မှောက်နိုင်ပါတယ်မိငယ် .....
ပြုံးပန်းပွင့်တော့ ပန်ဆင်ပေး .....။
အိပ်ရေးပျက်ညတွေထပ်ထပ်လာတဲ့ မျက်၀န်းက
ရည်ညွှန်းချက်ကိုတွေ့မိရဲ့လား မိငယ်.....
ငြိတွယ်မိတဲ့ ငါ့သံယောဇဉ် အချိုးအစားအတိုင်း
ပန်းတံတိုင်းခင်းထားတဲ့ အရိပ်မှာ မှေးမှိတ်လှည့်ပါကွယ်.....။
မင်းဖတ်ရမှာ မျက်၀န်းဘာသာဗေဒ .....
ငါသိပ်စကားပြောတဲ့ ကောင်မှမဟုတ်ဘူး
ရင်တွင်းရူး ....
တစ်ချက် တစ်ချက်တော့ ထူးးးးးးးး တယ် .... မိငယ် .....။
အကာအကွယ်မဲ့တဲ့ရင်ဘတ်ကြီးထဲ မင်းပစ်ထားတဲ့မြားချက်တွေပြည့်ခဲ့
အတုံ့အလှည့်တွေ ငါမလိုလားဘူး
စူးချင်သလောက်စူးစမ်း
ဒီ ခမ်းနားမှုနဲ့ ငါ သေဝံ့တယ်..မိငယ် .....။
ငါ့၀ိဉာဉ်ဟာ မင်းအလင်းဖြာဖို့ ပါဝါပဲ
မင်း နားမွာ ကပ်နေမယ့် ကြယ်
နွေမိုးဆောင်းသုံးလို့ရပါတယ် ..... မိငယ် .... ။ ...... ။
ရတုသစ် + မာန် ခ
2 comments:
good poem !
i like it :)
ခံစားခ်က္ခ်င္းသူတယ္ကြာ
Post a Comment