အလွမ်းများ မလာရ
ဆိုင်းဘုတ်တပ်နောက်ကျသွားတဲ့ရင်ဘတ်တစ်ခြမ်း
အလွမ်းရင့်ရောင်တွေ သမ်းလို့
ငါတို့ သိရှိခဲ့ကြခြင်းဟာ လွမ်းဖို့သက်သက်ပဲလား ။
စကားလုံးတွေတူးမြှုပ်ထားတဲ့ကောင်းကင်အောက်
ညဟာ လမင်းပျောက်လိုက်ရှာနေရဲ့
တိုးတိုက်မျက်၀န်းနှစ်စုံမှာ
ရှိုက်သံသဲ့သဲ့ ဖြာတယ် ။
မာယာတွေကင်းခဲ့ကြောင်းဖွင့်ဟ ဖို့
တစ်ဆို့ဆိတ်ငြိမ် လည်ချောင်းတစ်လျှောက်က
ဘယ်သော့နဲ့မှ ဖွင့်လို့ မရခဲ့ဘူး
ငါ..လွမ်းလွမ်းဆွတ်ဆွတ် ရူးပါရစေ ) ။
တစ္ဆေတစ်ကောင်လို ပုန်းလျှိုး ကွယ်လျှိုး နာကျင်နေရ
ဇာတ်သိမ်းမလှဘူးဆိုတာတောင် ဒီဇာတ်က အကျနာတယ်
မလှမပ ခုတ်ချခံလိုက်ရတဲ့ ရင်ဘတ်မှာ
ဘာ့ကြောင့်..အလွမ်းက ကျန်နေခဲ့တာလဲ
သဲသဲကွဲကွဲရင်ခုန်သံအလှုပ်မှာ
မနက်ဖြန်တွေဟာ အရုပ်ကြိုးပြတ်ဖြစ်သွားပေါ့
ထိန်းချုပ်စုစည်းထားတဲ့ ရင်ခတ်သံခါးခါးနဲ့
ငါ..လူဆန်ဆန် အားရပါးရ ငိုပါရေစ ( ) ။
သက်သေမဖြစ်ပေမယ့် မျက်ရည်မှာ အျပစ္မရွိခဲ့
ချစ်ကြိုးငြိ နှလုံးသားထဲခြစ်ရာတွေအပြည့်ကျန်ခဲ့တာ
မင်း မသိပါစေနဲ့
ဘ၀မှာ အသည်းက တစ်ခါပဲ ကွဲတတ်တာမျိုးမို့ပါ
ငါ..လွတ်လွတ်လပ်လပ် အသည်းကွဲပါရစေ ( ) ။
လွမ်းနေပါတယ်လို့ ဘယ်သူ့ကိုပြောပြရမလဲ
ဒီပွဲက ကြည့်လို့မကောင်းခဲ့မှန်း
မခမ်းနားတဲ့ ဇာတ်သိမ်းက မီးစိမ်းပြတယ် ။
ထိန်းထားတဲ့ကြားက မျက်ရည်ဟာ စိမ့်စ်ိမ့်လာခဲ့
နဲ့သွားတဲ့ အနာဂတ်ပန်းတိုင်ရှေ့မှာ
အတိတ်ကိုမေ့မရတဲ့အကြောင်း ကျမ်းကျိန်နေရပေါ့
ဖော့ဖော့လေးနှိပ်ထားတာမဟုတ်တဲ့ တံဆိပ်မှာ
အတိတ်တွေပဲ ထင်ကျန်နေသလား
၀ိုးတဝါး ညှို့ငင်ခံလိုက်ရတဲ့ အသိစိတ်ထဲ
အသည်းကွဲကဗျာက လွဲလို့ ဘာမှ သဲသဲကွဲကွဲ မသိတော့ဘူး ။
အနက်ရောင်လူးသွားတဲ့ အသည်းအတွက်
အလံတစ်၀က်လွှင့်ပြီး ဘယ်သူတွေ ငြိမ်သက်ပေးနိုင်မလဲ
ငါ့ငရဲနဲ့ ငါ လောင်ကျွမ်းပါရစေ ( ) ။
မင်း မမှားခဲ့သလို
ငါ ကိုယ်တိုင် ဝေဝါးခဲ့တဲ့ လမ်းက
ကြမ်းရှရှ ဖြစ်သွားခဲ့ပေါ့
ဖျော့တော့သွားတဲ့ အိပ်မက်စစ်တမ်းမှာ
အလွမ်းညဟာ အဆိပ်တက်ရင်း ဖျားခဲ့
ယဲ့ယဲ့လေးတောင် မပြုံးနိုင်တဲ့အခါ
ငါ့ကိုယ်ငါ မသိချင်တော့တာ အပြစ်ဖြစ်သွားသလား
မင်း စီရင်မဲ့ တရားနဲ့ ငါ အိပ်စက်ပါရစေ ( ) ။
ရတုသစ်
(29/01/2013 = 2: 05 Pm)
No comments:
Post a Comment