အသည်းခြေရာ သူ့ရုပ်လွှာ

နွေခြေရာ...

နှင်းလွှာကိုဖောက် ၊ ပြေးလာရောက်၍

ပြတ်တောက်ကြွေကျ ၊ပင်ထက်မှလျှင်

နွမ်းလျ ရွက်တို့ ၊မျက်ရည်စို့ကာ

ယို့ယို့ကြွေဆင်း၊ ရိုးတံကြွင်းစဉ်

သက်နှင်းချစ်သူ ၊ ကိုယ့်ရင်ဆူအောင်

နွေပူလမ်းမှာ ၊ပြေးထွက်ခွါသည်

ဆယ်ဖြာလွန်ကဲ..နွမ်းကြွေသည်း ။

မိုးခြေရာ...

နွေလွှာကိုဖောက် ၊ ပြေးလာရောက်၍

စိမ်းတောက်မြမြ ၊မြင်သမျှတို့

နုရွခက်ဝေ ၊ လန်းဆန်းစေပြီး

စိမ်းဝေစည်ကာ၊ မြရောင်ဖြာစဉ်

သက်လျာမေပျို ၊ကိုယ့် ရင်ပြိုအောင်

မိုးစိုလမ်းမှာ ၊စိမ်းကားလာသည်

ရင်လွှာမှသည်း..စိမ်းလိုက်ကွဲ ။

ဆောင်းခြေရာ...

မိုးလွှာကိုဖောက်် ၊ပြေးလာရောက်၍

ကြဲပေါက်ဖြန့်ချ ၊ နှင်းမှုန်လွတို့

မွမွ၀ပ်ဆင်း ၊မြူလွှာခင်းကာ

ချဉ်းနင်းလှုပ်ရှား ၊အေးဓာတ်ပွားစဉ်

သက်ထားပျိုမေ ၊ ကိုယ့်သည်းကြွေအောင်

နှင်းခြွေလမ်းမှာ ၊ အေးစက်လာသည်

ခက်မာပေါက်ကွဲ..ပြိုယိုင်လဲ ။

နွေ မိုး ခြေရာ ၊ ဆောင်းခြေရာတို့

ရောက်လာသမျှ ၊ ကိုယ့်ဘ၀ကို

ကြေမွပျက်သုဉ်း ၊ စိတ်ဓာတ်နုံးအောင်

ချစ်ဆုံးသူက ၊ ရက်စက်လှလည်း

ရွှန်းမြထိန်လင်း ၊ငွေရည်ဆင်းနှင့်

လမင်းခြေရာ ၊ ပြေးရောက်လာသော်

ရင်လွှာဆီမှ ၊ခံစားရေသာ

ေ၀ဒနာတွေ ၊လွင့်ပျောက်ပြေ၍

ချစ်တွေဆန်းသစ် ၊ချစ်မြဲချစ်လျက်

မေ့ပစ်ဖို့ရာ ၊ မစွမ်းသာပြီ

စန္ဒာ၀န်းထဲ ၊ သူ့ပုံစွဲသည်

အသည်းခြေရာ ၊သူ့ရုပ်လွှာ..။

                       ရတုသစ်

          (12-10-2008--9 :55 PM)