"စည်းလုံးညီညာအောင်ကြောင်းဖြာ" ဟာမူလတန်းဖတ်စာလောက်မဟုတ်တော့တာသေချာတယ်
ကိုယ်တိုင် ဝေဝါးနေတဲ့သိမှုကို မှ.တစ်ပါး အခြားတို့ဆီ ဝေစားမျှစား ဝေဝေဝါးဝါး
သွားကောင်း/မကောင်းသိချင်ရင်ခြေဗလာလျှောက်ပါ၊ ဖြည်းဖြည်းညင်းညင်းဆင်မယာဉ်သာ
ဗလာတွေရေးချ (- ာ /- ါ )ပြုတ်နေသမျှသုညတွေပဲ၀လုံးဖြစ်လိုက် ဇီးရိုးဖြစ်လိုက်ပြကွက်
ဘ၀ဂ်နဲ့အ၀ီစိကြားကလူအချင်းချင်းမိတ်ပေါက်ခြင်းကင်းရှင်းကြပါစေ ၊ပေါင်ဒါမလို
သူသူကိုယ်ကိုယ်တူနှစ်ကိုယ်စီမံကိန်းကြားခွန်စံလော၀်နဲ့နန်းဦးပြင်တို့လိုဝါးရင်းတုတ် ချမခံနဲ့
လူစိတ်မဲ့တဲ့လူကိုသတ်ပုံပြင်ရန်သင့်/မသင့် ဇီ၀ဗေဒပုစ္ဆာနံပါတ်(၃)မှာ သုံးကြည့်ရန်
မူမမှန်စိတ်ကိုမိတ္တူဆွဲပြီးပရင့်ထုတ်မှတော့ပုံပီပီ ပြင်ပြင်ထွက်ဖို့ အဆင်မသင့်
အဆိပ်သင့်နေတဲ့စိတ်တွေဖြေဖို့မေးပြီးသားမေးခွန်းဟောင်းကိုသာမေးခိုင်ကာကွယ်ဆေးထိုးပါ
ရိုးသားမှုကအရိုးတစ်ခြားအသားတစ်ခြားနဲ့မရိုးမသားစည်သွပ်ဗူးမှာအဆာသွပ်ပိတ်လှောင်ခံခဲ့ရ
ဓမ္မအသံထွက်မမှန်တဲ့ပြဋ္ဌာန်းမှုဟာဒန်မ/ဒဏ္မ/ဒမ/ဓမ(ဓားမ)စသည်အဓိပ္ပါယ်အမျိုးမျိုးထွက်သွားပြီလား
တရားရှာချင်တယ်ဆို(၁၀၀)ကို၀စ္စနှစ်လုံးပေါက်တတ်ရုံနဲ့မရဘူး၊တရားဟာတရားအတိုင်း...
ဒုန်းစိုင်းပြေးတိုင်းရှေ့ရောက်မယ်မထင်နဲ့ရှေ့ကိုသေချာကြည့်ဒုန်ုး!! ခလုတ် ဆူးငြောင့် သတိ
သတ္တိရှိရှိသတိထားမှသတိဟာတိတိကျကျမိမိရရ သတိ-အပ္ပမာဒ-အမတ ဖြစ်မယ်
အမြစ်ရှိသမျှထဲ၀ဋ်မြစ်ပြတ်တာတစ်ခုပဲကောင်းတယ်၊ကျန်တဲ့အမြစ်တွေပြတ်ရင်သေရုံသာ
" တစ်ခါလာ မဲပြာပုဆိုး"ဖြစ်လေ၊ကျည်တောက်ကျွတ်သွားတဲ့ခွေးမြီးအတိုင်းကောက်လေ၊အကျင့်ပျက်
တလက်လက်အနာဂတ်ဖြစ်ဖို့ဆိုတစ်ယောက်တစ်လက်၀ိုင်းမညှိပဲမတောက်ပဘူး၊လက်ရှိလက်မဲ့
မတ်/ရပ်နေတဲ့ခြေထောက်တွေကျွံ/ကျွန်ကျမသွားအောင်ခြေလှမ်းပြင်ကြစို့၊ ဘယ်..ညာ
ခေတ်ကြီးဟာရေငုံနှုတ်ပိတ်နေမယ့်ခေတ်မဟုတ်တော့ခစ်ခစ်လို့အသံထွက်ရယ်မှာပဲ
နူနာကို၀ဲထပ်မစွဲဖို့ကြိုတင်ကာကွယ်ခြင်းသည်သာအကောင်းဆုံး သတ်မှတ်ချက်
ဖျတ်လတ်တက်ကြွစွာရုန်းကန်ချီတက်ကြပါစို့လား၊လဲရာသူခိုးမထောင်းခင် အသင့်ပြင်..။ ။
ရတုသစ်
28052013
3: 38 PM
No comments:
Post a Comment