ရွှေခေတ်ဆိုတာ ညီမလေးရဲ့ လက်ထဲမှာ

ညီမလေးရေ..

အပျက်အပျက်နဲ့မျက်စိရှက်ဖွယ် ခေတ်ဆိုးထဲ

မျက်စိမှိတ်ပြီး ဇွတ်မတိုးနဲ့

အဘိုး အဘွားတွေ ထားခဲ့တဲ့ ယဉ်ကျေးမှု

ဂရုစိုက်မယ့်သူ ရှိနေသင့်တယ် ။

အမြင့်ကို လှမ်းနိုင်အောင်ကြိုးစားပါ

စိတ်ထားလှနေအောင် မွေးမြူပါ

မြှူဆွယ်တိုက်ခိုက်လာမယ့် ခေတ်ရိုက်ချက်တွေထဲ

မလဲပြိုအောင်ထိန်းမတ်ထားနိုင်ရင်အကောင်းဆုံးပဲ

သရုပ်ပျက် ၀ဲဂယက်ကြား

လွမ်းမမှားအောင်လျှောက်တတ်ဖို့

စိတ္ဓာတ္နံရံမွာ "မြန်မာ " ဆိုတာ ဆွဲချိတ်ထားပေါ့

သူများတွေ ေ၀ဝါးတိုင်း

လိုက်လိုက် ပြီး မထွေပြားစေနဲ့

ရိုးသားပါ

နိုးကြားပါ

ကြိုးစားပါ

ရွှေမြန်မာတို့ရဲ့ အမျိုး၊ဘာသာ၊သာသနာအတွက်

ဘယ်တော့မှ ဖျက်ရာမဖြစ်စေချင်ဘူး။

ညီမလေးရေ...

မင်းရဲ့ ဆင်ခြင်နိုင်စွမ်းဟာ

မင်းဘ၀ရဲ့ ဦးတည်ရာ လမ်းကြောင်းပဲ

မင်းရဲ့သမိုင်းကောင်းဖို့

မင်းကိုယ်တိုင် မောင်းနှင်မှ ရမယ်

"မြန်မာ့ယဉ်ကျေးမှုက

ဘယ်တော့မှ မဟောင်းဘူး"ဆိုတာတော့

နှလုံးသားထဲစွဲနေအောင်မှတ်ထားပါ ။

ရိုးရာပျောက်သွားခဲ့ရင်

"မျိုး မြန်မာ "လည်း မှောက်မယ်

မြန်မာ့သစ္စာဖောက်ဘယ်တော့မှမဖြစ်စေနဲ့

ရွှေခေတ်ဆိုတာ..

ညီမလေးရဲ့ လက်ထဲမှာပဲ ရှိတယ်..။

ရတုသစ်

(မွေးနေ့လက်ဆောင် ကဗျာ က သိပ်တော့မနူးညံ့ဘူး ..ညီမလေးရေ..

ဒီကဗျာကို ဖတ်ရုံတင်မဖတ်ပါနဲ့ သေချာတွေးပြီးဖတ်ပါကွာ... )