လုံးဝအမှောင်
ကြယ်ရောင်တွေ အိပ်ဆေးမိတဲ့အခါ
အလင်းဘယ်လိုရှာရပါ့
လမင်းလည်း ခရီးလွန်နေတယ်
ကဝေဆန်တဲ့ညပေါ့
လိပ်ပြာလှလှလေး လွတ်ထွက်သွား
အချစ်အား ညှို့ဆွဲဆောင်ရာ....
ရှက်သွေး လဲ့ဖြာတဲ့အပြုံး
သိမ်းကျုံးမြင်ရခိုက်
အလင်းစိုက်ခင်းလေး ပွင့်သစ်ရ
အို....လှလိုက်တာ
အရာရာ နူးညံ့တိတ်ဆိတ်
ကြယ်လေးတွေ မျက်စိမှိတ်လို့
လမင်းလည်း အိပ်ချင်အိပ်ပါစေ
သူ့အပြုံးပွင့်တွေနဲ့ ငါ့ကမ္ဘာ လင်းနေတယ် ။
ရတုသစ်
No comments:
Post a Comment