စိတ်တောင်ပံတစ်ချက်ခါလိုက်တိုင်း
အတိတ်တွေ
အပြိုင်းအရိုင်းပြိုကျလာခဲ့ ညှိမရတဲ့မျဉ်းကိုမှ
ငါတို့က ပြိုင်ပြေးမိခဲ့ကြ
ဘယ်သူမှ မနိုင်ပါဘူး
မင်းပါးပြင်မျက်ရည်လူးတိုင်း
ငါ့ရင်မှာမုန်တိုင်းထန်ခဲ့ပေါ့
တကယ်ပါ
ငါတို့ဟာ ကံကြမ္မာကို ကိုးစားရင်း
ကံကြမ္မာရဲ့ကစားစရာတွေဖြစ်ခဲ့တယ်
မေ့ပစ်ဖို့မတောင်းဆိုဘူး
ခွင့်မတောင်းဘဲ ထွက်ခွါသွားရင်တောင်
သရုပ်ဆောင်မာယာမပါတဲ့ အလွမ်းနဲ့
ငါ တစ်ယောက်တည်း မှောင်ခဲ့မယ် ။
ရတုသစ်
၂၉-၀၆-၂၀၁၃
မနက် ၂ နာရီ ၄၀မိနစ်
No comments:
Post a Comment