ဧရာ၀တီကိုပြန်ကြည့်မိတဲ့ည
🟥
သဘာ၀တရားကို
မျက်လှည့်ပြခံထားရတဲ့အဖြစ်နဲ့
ရေစီးရေလာကောင်းချင်ယောင်ဆောင်ထားရှာရသူ
သူ့အပူကို မျှဝေဖို့ထက်
သမိုင်းအဆက်ဆက် လက်တွဲခဲ့သူတွေအကြောင်း
သူကိုယ်တိုင် ရင်ထုမနာဖြစ်လို့
နှစ်ချို့နေသောအိပ်မက်များထဲ
သူ့မျက်ရည်ကို သဲသောင်တွေပေါ်သွန်ချထားခဲ့ပြီ
ဧရာ၀တီတဲ့
သူ့နာမည်သူ ပြန်မေ့ပစ်ချင်နေလောက်အောင််််််
လောက်တရွရွထိုးကိုက်ခံနေရတဲ့မြစ်
သမိုင်းဖျက်မဲ့ပိုးကို တဆစ်ဆစ်နာကျင်ကြောင်း
တဖွဖွ အော်ဟစ်ကြိမ်းမောင်းနေတဲ့ရေရှင်
သူ့ရာဇ၀င် သူပြန်လွမ်းနေတာ မြင်ခဲ့ရတယ်။ ။
ရတုသစ်
No comments:
Post a Comment