ချစ်သူပျောက်တဲ့..ညနေ

* အထိန်းအကွပ်မဲ့နေတဲ့စိတ်ကူးနဲ့

  တိမ်းမူးပျော်ရွှင်ချင်မိတဲ့.ညနေ

  လေပြေတစ်ချက်အငြိမ့်မှာ..

  တသိမ့်သိမ့်...တုန်..

  ငါ့ရင်အစုံက..ဇက်သပ် မရတဲ့ မြင်းရိုင်းတစ်ကောင်ဖြစ်သွားပေါ့။

* တိုက်ဆိုင်ခြင်း အမျိုးမျိုးထဲမှာ..

  အသည်းပေးထားရသူတစ်ယောက််ကို..

  နောက်တစ်ယောက်နဲ့............။

  ဒီ တိုက်ဆိုင်ခြင်းလောက်..ဖရိုဖရဲနိုင်တာ

  ငါ့ ကမ္ဘာမှာ..ဘာရှိတော့မလဲ..။

* ပြာပြာသလဲဖြစ်သွားတဲ့ စိတ်အစဉ်က

  ပျော်ရွှင်မှုတွေအကုန်လုံး ရိတ်သိမ်းသွားခဲ့

  ခွန်အားမဲ့ နေတဲ့ခြေလှမ်းတွေနဲ့ အတူ

  ငါ..မျက်နှာမူရာ အရပ်တိုင်းနေထွက်နေတာတွေ့ရတယ်.။

*အချစ်..အကြင်နာ..မေတ္တာ..

  ဘာတွေ..ဘာတွေလဲ..?

  ခိုင်မြဲမယ်ထင်ထားတဲ့ သစ္စာပန္နက်က

  ကျိုးပဲ့..ပြတ်ကြွေသွား

  နှလုံးသားမပါတဲ့ ရင်ဘတ်ကြီးနဲ့

  လောကကြီးကို ဟားတိုက်ပြခဲ့ရပြီ..။

* ''လောကမှာပျောက်သွားတဲ့ ချစ််််််််််််််််သူကိုရှာရခြင်းထက်..

   နှလုံးသားထဲက ပျောက်ဆုံးသွားတဲ့ချစ်သူကိုရှာရခြင်းက

    ပိုခက်တယ်..''တဲ့.

   ကြားဖူးခဲ့တဲ့ ဒဿနလေးက

  ငါ့ ဘ၀နဲ့ တည့်တည့်တိုးခဲ့ပေါ့..။

  ချော့မော့ဖြောင်းဖျ လို့မရတော့တဲ့ နှလုံးသားက

  တဆင့်ကြားမဟုတ်တဲ့ တိုက်ရိုက်မြင်ကွင်းအတွက်

  ချစ်ခြင်းတွေ တဗုန်းဗုန်းလဲခဲ့..

  ယိုင်နဲ့သွားတဲ့ ငါ့ မေတ္တာ တရားအတွက်

  အလျော်အစားက ..ဘယ်မှာလဲ?

  ကြေကွဲနေဆဲ အနာဂတ်မှာ..

  သစ္စာမဲ့တဲ့ ချစ်သူတစ်ယောက်

  ကျပျောက်သွားတာကို..

  ချိုမြိန်လိုက်ရုံမှ..တစ်ပါး....။

(p:s)အဲဒီညနေက ပျောက်သွားတဲ့ ချစ်သူကို ဘယ်တော့မှ လိုက်ရှာမည်မဟုတ်ပါ..။

        ရှာလို့လည်း တွေ့နိုင်တော့မည်မထင်ပါ။ အဘယ့်ကြောင့် ဆိုသော်...နှလုံးသားထဲကပျောက်ကွယ်သွားသောကြောင့်..ဖြစ်ပါသည်..။

                     

ရတုသစ်