ကံကြမ္မာကို..မျှားဖို့..ငါးစာ မရှိဘူး

*"အိပ်မက်တွေကို...အကောင်အထည်ဖော်ဖို့.."

  ထီထိုးရခြင်းရဲ့..ရည်ရွယ်ချက် ပေးခဲ့တယ်...

  ဒါပေမယ့်...

  ထီထိုးဖြစ်တဲ့ အချိန်တိုင်း...ထီဆိုင်မှာ...

 " မနက်ဖြန်ထီဖွင့်မည်" စာတမ်းတွေ့ရပေါ့...

  ထီဖွင့်တိုင်းလည်း...ပေါက်စဉ်တိုက်ဖို့မေ့လျော့နေရဲ့...

  ချော်တောငေါ့နေတဲ့...ကံကောင်းခြင်းက..

  မူရင်းက...မူရင်း အတိုင်းပဲ...။

*ရှေးခေတ်ဘေဘီလုံက...သူကြွယ်တွေ...

  ဘယ်လို..စုဆောင်းခဲ့ကြတာပါလိမ့်...?

  အသပြာကို...ကဗျာတစ်ပိုဒ်စုဖို့လောက်တောင်...မှတ်မှတ်ထင်ထင်မရှိတော့...

  မရွိဘ၀ က...မရွိခဏ မဟုတ်...မရွိတစ္ဘ၀...

  ဘာမွမရွိတဲ့ဘ၀မွာ...မရှိခြင်းတွေပဲ..ရှိတော့တယ်...။

*"မရှိတာထက်...မသိတာခက်" မဖြစ်ဖို့ပဲ...လုံးပမ်းနေရ

  ဒုက္ခမြစ်ထဲမှာ..ဆိုတော့...ပစ်လိုက်တဲ့ကွန်ချက်တိုင်း...သုခကိုမမိဘူး...

  မရှိခြင်းကို...ငါးစာလုပ်မျှားဖို့..ကြိုးစားတိုင်း...

  ရေချိုးပြီး ပြန်ခဲ့ရုံပဲလေ...

  ရေစိုတာတော့...အဖတ်တင်ပါရဲ့...။

*မတည့်အတူနေတွေက...မေးနေကြပြီ...

  "ဒါတွေ...ရေးနေလို့..မင်းဘ၀ ကောင်းစားမှာလား" တဲ့

 " ဟား...ဟား...ဟား.."ဆိုပြီး ၀တၳုစာအုပ်တွေထဲကလို...မရယ်ဖြစ်ခဲ့ပါ...

  ရင်ဘတ်ထဲမှာပဲ...အစိုင်အခဲက ထုထည်ကြီးခဲ့ပေါ့...။

*ခနဲ့တဲ့တဲ့ အသံတွေကို...ဗိုက်တာမင်တွေလို...စားမြုံ့ပြန်ရင်း...

  မနက်ဖြန်တွေကို...ရေးခြစ်နေမိ...

  ငုပ္မိမွေတာ့...အောက်ကြမ်းပြင်ထိ..ခရီးဆက်မယ်...

  စင်ပေါ်တက်နိုင်တဲ့...တစ်နေ့...နေ့...

  ............................................................။

*မူလတန်းဖတ်စာအုပ်ထဲက...မပုကြွယ်အကြောင်းကို..

  ကောင်းကောင်း...မှတ်မိနေသေးသမျှ...

  မာန်ကိုတော့...မချသေးဘူး...

  ဘ၀ကို..ကဗျာနဲ့..ညီမျှခြင်းထိုးထားရင်း...

  အလင်းရဲ့ ရနံ့ကို...ရှူရှိုက်ဖို့...

  လမိုက်ညတွေရဲ့... ကမ်းပါးတစ်ဖက်က...စောင့်မယ်...

  လောလောဆယ်တော့...

 "ကံကြမ္မာကို...မျှားဖို့..ငါးစာ..မရှိသေးဘူး"...။

                                             ရတုသစ်

                             (7/9/2012--9:40 PM)