ဂြိုဟ်ဆိုးနဲ့ စီးချင်းထိုးမယ့်...စီမံကိန်း...

*ခြေသံလုံလုံလျှောက်လာတဲ့...ဂြိုဟ်ဆိုးက..

  ဝါရင့်သူခိုးတစ်ယောက််ရဲ့...ဖျတ်လတ်မှုမျိုးနဲ့..ခိုး၀င်လာခဲ့...

  မာတိကာအစကတည်းက...နက္ခတ်လွဲနေတဲ့...ငါ...

  ရွှေပြောင်းဖို့...နဂါးခေါင်းအရပ်..လှည့်စရာ..မရှိ...။

*တိုင်ဖုန်း..ဆိုက်ကလုန်းတွေကြောင့်...အထပ်ထပ်ပြိုလဲနေတဲ့..ကမ်ဘာမှာ...

  ငါ့..သက္ကရာဇ်တွေဟာ...ဖြိုချဖို့...ခက်လွန်းလှရဲ့...

  တစ်ဘ၀စာ ဟောစာတမ်း...တစ်ခုလုံး..ပြဿဒါးတွေပြည့်နေပြီ...။

*ဗေဒင်ဆရာက...မှားတာလား...?

  ကံကြမ္မာက...ခါးတာလား...?

  ယတြာချေလို့မကျေနိုင်တဲ့...မပြေလည်မှုတွေကို...

  ကဗျာနဲ့ရော..ရောပြီး...မျိုနေရတယ်...။

*အချိုရှာ...သကာမတွေ့ငြားလည်း...

  အခါးမရှာ...တမာတွေ့တွေ့လာတော့...

  ရက်ရာဇာတွေကပဲ...ချို့တဲ့လာသလို..လို..။

*''အလုပ်ကောင်းရင်..ကံကောင်းမယ်.''..တဲ့

  အကောင်းလုပ်တိုင်း...အလုပ်ကောင်းအထင်..မခံရမှတော့

  စိတ်ကျန်းမာရေး...အားနည်းတဲ့..လူယဉ်ကျေး အ၀န်းအ၀ိုင်းမှာ...

  ငါ..ဗိုင်းကောင်းကျောက်ဖိမနေတတ်တာ...ဆန်းသလား...?

  ငါ့ တရားနဲ့..ငါ..နားရည်၀ခဲ့ပေါ့...။

*အမှတ်တရတွေကို...အမှန်တရားဖြစ်ဖို့..တွက်ချက်ရင်း...

  အလင်းဆိုင်မှာ...ကျမ််းကျိန်လျှောက်လဲတတ်နေရဲ့...

  ညောင်ပင်တစ္ဆေဖြစ်နေတဲ့...နေ့လည်ခင်းတွေကို..

  မှောင်ခိုထုပ်ပြီး...လွှင့်ပစ်လိုက်ချင်တယ်...။

*အမြိုက်တရားရဲ့..အရသာကို...

  ငါ့..လျှာပေါ်မှာ...ခံတွင်းမတွေ့မချင်း...

  မိုက်မလင်းတဲ့...သံသရာ..တွင်းနက်နက်က..

  ခုန်ထွက်ဖို့...ခက်နေဦးမှာပဲ....။

*အခုတော့....

  တစ်မနက်ပြီး...တစ်မနက်...

  တစ်ရက်ပြီး...တစ်ရက်...

  ရင်ဘတ်အက်အက်လာတဲ့...နေ့တွေ အကြောင်း...

  စုပေါင်းထားတဲ့...ကဗျာအယ်လ်ဘမ်တစ်ချပ်...

  သပ်သပ်ရပ်ရပ်..ထုပ်ပိုးရင်း...

  ဂြိုဟ်ဆိုးနဲ့..စီးချင်းယှဉ်ထိုးဖို့...

  ကြိုတင် စီမံကိန်းချလိုက်ဦးမယ်လေ...။

                       ရတုသစ်

           (6/9/2012 9း50 PM)