မိုးခြွေလေညင်း ( ၂ )

မိုး- သက်လေညင်း ၊ သွဲ့သွဲ့နင်း၍

ဝေ့ဆင်းတိုက်လာ ၊ ထက်အာကာ၀ယ်

တိမ်လွှာညစ်ညို ၊ အိအိပြိုလျှက်

တိမ်ညိုချင်းချင်း ၊စစ်မက်ခင်းသော်

ကျဆင်းမြေပြင် ၊ မျက်ရည်စင်ပြီ

လွမ်း၀င်စိတ်မှာ..ဆွေးတော့သည်..။

ခြွေ-သောလေညင်း ၊ဖြည်းဖြည်းခွင်းလည်း

ကြွေဆင်းတိမ်ရည် ၊ ပင်လယ်တည်ခဲ့

ဝေးဆီဌာန ၊ ခွဲနေကြသော

ချစ်ရသူတွေ ၊ လွမ်းမပြေအောင်

ညှဉ်းနေသလို ၊လေညင်းပြိုပြီ

လွမ်းငိုချင်းသာ..ဆိုတော့မည်..။

လေ-ပြည်မုတ်သုန် ၊ ကြော့ပြန် စုန်လျှင်

ရင်ခုန်လှိုက်ဖြာ ၊ေ၀ဒနာက

ရင်လွှာမှတက် ၊ လွမ်းချင်းဆက်၍

စက်စက်မျက်ရည် ၊ ကြွေဆင်းသည်ကို

ဝေးဆီချစ်ပျို ၊ သိစေလိုပြီ

လွမ်းဖိုရင်မှာ ..နွေးတော့သည် ..။

ညင်း-သွဲ့သုန်သုန် ၊ မိုးမှုန်မှုန်ကြောင့်

လွမ်းဟုန်မြင့်ကာ ၊ ဝေဒနာက

ဖြေရာမရှိ ၊ လွမ်းဒဏ်ပိသော်

မချိရင်၀ယ် ၊ ဗျာပါကြွယ်လျက်

သက်လှယ်မေ..သို့ ၊ လွမ်းစိတ်ပို့ပြီ

လွမ်းစို့မျက်နှာ ..ညိုတော့သည်..။

                     ရတုသစ်

      ( 11 /10 /2012 ..7 :55 PM)

(မှတ်ချက်=ခေါင်းစဉ်ပေးသူ ထော်ဦး (ဘားအံကွန်ပျူတာ)

 ခေါင်းစဉ်အမည် မိုးခြွေလေညင်း...)

အွန်လိုင်းလင်းရောင်ခြည်မှာ နှစ်ပုဒ်ဖြစ်နေမည်စိုးသောကြောင့်မတင်ဖြစ်ပါ၊။