အိပ်
ချော့သိပ်
မျက်စိပိတ် ။
လူးလှိမ့်မှေးမှိတ်
လွမ်းသည့်စိတ်ဖြင့်
ရင်ရိပ်ကမ်းမှာ
သူ့ပုံလွှာကို
မြင်ကာခဏ
နိုးထ ရသည်..
ဆောင်းညသိပ်သည်း(သဲ)
နှင်းမှုန်၀ဲ...။
ပျက်
အေးစက်
နှင်းခဲပက် ။
ချမ်းခိုက်တုန် အက်
ရင်ခုန်လျက်သာ
ရင်ရွက်စုံဖွင့်
သူ့ဆီလွှင့်ဖို့
ရင်ရင့်အလွမ်း
လေပြေနမ်းသည်..
စိမ်းလန်းရင်ထဲ
လွမ်းပိုဆဲ...။
သူ
လာယူ
ညမက်လူ။
လွမ်းစိတ်ဖြူဖြူ
အိပ်မက်ကူလှည့်
မဟူရာ ည
နှင်းဖြိုက်ကျသော်
ချမ်းမြခိုက်တုန်
ရင် မလုံသည်
လွမ်းဟုန် နင့်နဲ
အိပ်ပျက်မြဲ...။
ရတုသစ်
( ရေးချင်ရာရေးလိုက်မိသည်။ ပုံစံကိုမပြောတတ်ပါ။သည်းခံဖတ်ရှုကြပါကုန် ။)
No comments:
Post a Comment