ချစ်ပြုံး၀င့် ၊ပွင့်စေချင်
ရင်ဘတ်ထဲ ၊မြဲသစ္စာ
ထာ၀ရ ၊လှပါစေ
ဝေဆာပန်း ၊လန်းဆန်းမွှေး
အေးသည့်ရင် ၊ စဉ်အေးစိမ့်
ငြိမ့်ငြိမ့်လေး ၊တေးဖွဲ့သီ
ရီေ၀မူး ၊ မြူးတူးခုန်
တုန်ယင်ဟိုက် ၊လှိုက်ကာဖို
ချိုပြုံး ငဲ့ ၊လဲ့လဲ့ ကြွေ
ပြေပြေလေး ၊ထွေးပွေ့မိ
အိညက်ညော ၊ချောပါးပြင်
စဉ်မွှေးပျံ့ ၊နံ့သာခဲ
ရဲစိတ်နွှေး ၊မွှေးလိုက်လျှင်
ရင်ခွင်သို့ ၊ယို့ယို့ဆင်း
ကြွင်းမဲ့ချစ် ၊နှစ်နှစ်ကာ
သာယာစိတ် ၊ဖိတ်သည့်ရင်
ကြင်နာစစ် ၊ချစ်ခြင်းဖွဲ့
ယဲ့ယဲ့ပြုံး ၊မုန်းမဟူ
တူလျှောက်လှမ်း ၊လမ်းဖြောင့်စေ
ေ၀သည့်ချစ် ၊ပြစ်မမြင်
စဉ်ပိုကဲ ၊စွဲမြဲလာ
မာယာမဲ့ ၊ ဖွဲ့သံစဉ်
ရွှင်ကြည်နူး ၊မြူးပျော်ရ
ဘ၀လမ်း ၊ချမ်းမြေ့ပြီ
ရည်ရွယ်ထား ၊အားဆက်ဖို့
တို့ဆင်နွှဲ ၊ မြဲမေတ္တာ
ကိုယ့်ရင်ထဲ ၊သည်း(သဲ)သစ္စာ ။
ရတုသစ်
( 10-12-2012 10 :35PM)
( ၀ဲရိုက် ၊၀ဲသွင်း ပုံစံလေးရေးချင်စိတ်ပေါက်လာ၍ရေးမိသည်။)
1 comment:
ကဗ်ာငတ္ ေနရင္
ကဗ်ာဖတ္ဖို ့မုိးသူမွာ
ရတုသစ္တို ့လိုမ်ဳိး ဘေလာ့ေတြမွာ
ကဗ်ာဖတ္၇တာၾကည္နူးဖုိ ့ေကာင္းတယ္
ခင္တဲ့
မုိးသူ(ေတာင္ၾကီး)
Post a Comment