ကြာပြီး ကြာဆဲ ကြာမည့် ကြာ

ရောက်တတ်ရာရာအရည်မရအဖတ်မရတဗျစ်ဗျစ်ကွမ်းစကားတွေနဲ့ ဗလာ ကြာ

ကြာကြာဝါးရင်းခါးမှန်းသိရင်း တမာနေ့စွဲများထဲထပ်တလဲလဲ ကြာ

တံလျှပ်ကိုရေထင်ပြီးလိုက်ရင်းပြေးရင်းအသက်ရှူသံပြင်းပြင်းထဲမှာနွမ်း ကြာ

ဗလာမပါကံစမ်းမဲမှာပေါက်မဲလက်ကျန်တစ်ခုနဲ့ရေစုန်ရေမျော ကြာ

ဟာနေတဲ့၀မ်းစာအတွက်ရေထိုးလေထိုးပိုးမျိုးရှစ်ဆယ်ဝါးရင်းစား ကြာ

မကြာခဏအချက်ပြတဲ့အေးခဲမိုင်းနပ်တွေထဲရေဆူမှတ်ပျောက်နေတဲ့အေးခဲ ကြာ

မေရရာဘူး မေသခ်ာဘူး တညည်းညူညူနဲ့သည်းအူပြတ်မျှလောကဓံအထောင်းမှာညောင်း ကြာ

လိုက်လေပြေးလေ ရွှေသမင်တာအထွက်မှာ လည်ပြန်မျှော်ရင်း တာပျက် ကြာ

မဟာဘုတ်ကိုခဏခဏထူကြည့်ရင်းအစီးအနင်းများတဲ့ဇာတ်မျော ကြာ

ရှင်းလေ မရှင်းလေရှုပ်နေတဲ့သပွတ်အူမြစ်ထဲမှာ အမယ်ဘုတ်ရဲ့ချည်ငင်တွေကြားညပ် ကြာ

နေခြည်မျှော်ဆဲနှင်းပိတ်သည်းမှာအားနည်းနေတဲ့အရုဏ်ဦးမှာငုံသည့် ကြာ

ထုံအနေတဲ့သွေးကြောကိုမီးပူထပ်တလဲလဲတိုက်ရင်းသွေးကျွမ်းနေတဲ့လက်ထဲမှာ ထုံ ကြာ

မာယာအလှည့်အပြောင်းမှာဇာတ်ညွှန်းဟောင်းဆီမျက်နှာပြန်လှည့်ချင်တဲ့ မူ ကြာ

ဒီရထားကိုစီးနင်းရင်း ဒီခရီးမွာ ဒီဘူတာမေ့ကျန်ချင်တဲ့ ဒီ ကြာ

ဟိုဟာလျှော့လိုက် ဒီဟာလျော့လိုက် ဘောင်ဘင်ခပ်အိုးနဲ့တည့်တည့်တိုးရင်းမပြည့် ကြာ

တောင်ဖီလာရဲ့ကြာ၊မြသန်းစံရဲ့ကြာနဲ့ကြိုးစားရင်းလက်ပန်းကျရင်းကြာနေတဲ့ ကြိုးကြာ

သမင်မွေးရင်းကျားစားရင်းအရင်းပြန်ပြန်ပေးနေရတဲ့ ပြန်ပေး ကြာ

မျက်စိတစ်မှိတ်လျှပ်တပြက်ကိုအနှေးပြကွက်နဲ့သုံးဖက်မြင်ပြန်ပြန်ကြည့်နေရတဲ့သရီးဒီ ကြာ

ဟိုးလေးတစ်ကျော်တိုင်း ကျော်ကျော်သွားလို့လက်တားထားရတဲ့ ဟိုး ကြာ

ပျော်ပျော်နေသေခဲထဲမှာအငွေ့ပျံသွားတဲ့ရေခဲမြစ်မှာရည်/ရေပျော် ကြာ

မာယာတို့ရဲ့ပြက္ခဒိန်အခန်းဆက်ကိုစိတ်ကူးနဲ့လှမ်းဖွင့်ရင်း မျှော်လင့် ကြာ

ပစ်ဒီဘူကာရာ့ချ်တောင်ကိုသွားနေဖို့ယာဉ်နံပါတ်ပျောက်နေတဲ့ လိုင်စင်မဲ့ ကြာ

အနှစ်မဲ့တောမှာအပြစ်တွေချိုး(ဂျိုး)ကပ်ရင်းတဖြည်းဖြည်းဆူဖြိုးလာတဲ့ကျက်/ကြက်ဆူ ကြာ

ဘ၀အကွေ့အကောက်မှာ၀င်္ကပါထဲ၀င်ပုန်းမိတဲ့ အပုန်း ကြာ

လျှို့၀ှက်ခလုတ်ကိုတိုးတိုးလေးဖြုတ်ထားတဲ့တံခါးချပ်နောက်ကွယ်နား ချက်ကျလက်ကျ ကြာ

အဖြူ/အမည်း(မဲ)၀ိရောဓိမှာ လက်သည်ရှာရင်းအဖြေမရှိတဲ့ ပဟေဠိ ကြာ

နှာခေါင်းသွေးထွက်အပျက်တွေကြား ရေငုံနှုတ်ပိတ်တိတ်ဆိတ် ဆွံ့အ ကြာ

လျော့တိလျော့ရဲ ခါး၀တ်ကိုမနိုင်ရင်ကာ ပြန်ချည်တုပ်နေတဲ့ တုပ် ကြာ

ကြီးလေချဉ်လေ လောကထဲ အစာအိမ်ပွထနေတဲ့ အချဉ် ကြာ

အလံလဲနေတဲ့ လှေခွက်ထဲမှာလက်ဗလာနဲ့ရုန်းတက်တဲ့ အဆန် ကြာ

ကြာတွေ ကြာတွေ ကြာတွေ ကြာ ကြာ ကြာ

ကြာဖူးခဲ့ပြီး ကြာနေဆဲ ကြာလိမ့်ဦးမည် ကြာ..။

                                 ရတုသစ်

                       (12/12/2012--10:45 )