တစ်ကိုယ်ရေအလွမ်းနဲ့မှတ်တမ်းဟာခဲရာခဲဆစ်
အလွမ်းမြစ်မှာအချစ်တွေဖျတ်ဖျတ်လူးခဲ့ပေါ့
တိမ်းမူးတဲ့ညခင်းဟာလမင်းကို စုံစမ်းနေရဲ့
ကြယ်ကျဲကျဲကောင်းကင်မှာခုနစ်စဉ်ကြယ်အမြီး၀ှက်ချိန်
စိုးရိမ်စိတ်လွန်ကဲမှုကအသည်းကိုမက်ဆေ့ချ်ပို့တယ် ။
အလွမ်းမှာနှောင်ကြိုး ရှိခြင်း/မရှိခြင်း
အလင်းတွေလော့ခ် ကျတိုင်းနံရံလေးဖက်မှာသူ့ပုံရိပ် ၀ဲခဲ့
ဖျတ်ကနဲလန့်လန့်နိုးတဲ့ညဟာ ဘုံကြိုးပြတ်လွင့် စင်
ရင်ခွင်ကိုလာလာရိုက်တဲ့အော်သံတွေမှာလိပ်ပြာတစ်ကောင်နားစွင့်ထားရဲ့
သူ့ရဲ့ဘာသာမဲ့မျက်၀န်းတွေရင်ကမ်းခြေဆီဆိုက်ကပ်နေတယ်..။
တစေၦတစ်ကောင်လိုညကိုခိုးယူရင်း
အလင်းနှစ်တွေ သွန်သွန်ပစ်ခဲ့ရ
စိတ္တဇညရဲ့အမှောင်ဟာငါ့ရင်ဘတ်မှာလင်းနေတာ အခက်ပဲ ။
ကွယ်၀ှက်ထားတဲ့အပြာရောင်တံခါးချပ်နောက်ကွယ်မှာ
လက်မှတ်ပျောက်နေဆဲနှလုံးသားတစ်ခုအိပ်မောကျနေခဲ့ဖူးတယ်
ရိုးရှင်းတဲ့ချည်နှောင်ခြင်းမှာဗီးနပ်စ်ရဲ့မျှားတစ်စင်းစိုက်ခဲ့
လမိုက်ညတွေနဲ့ရင်းထားတဲ့ရင်ဘတ်ဟာတဆတ်ဆတ်တုန်မိ
ကန့်သတ်ချက်ရှိတဲ့အချစ်ဟာ..အိပ်မက်ဆန်နေမလား..
ရိုးသားခြင်းဟာ ပါးလျစ ပြုလာပြီထင်တယ်..။
သီိအိုရီတွေမုန်းတယ်ဆိုပြီး
စိတ်ကြီး၀င်နေခဲ့ဖူးတဲ့ ၀ိညာဉ်ဟာ
ဒီတစ်ကြိမ်ထိခတ်ပွတ်ဆွဲမှုမျှားချက်မှာ
ငြိမ်သက်စွာနူးညံ့နေခဲ့မိတယ်လေ...။
ရတုသစ်
(13/12/2012--11:20 PM)
No comments:
Post a Comment