အသုရကာယ်တေးသွား

ငါတို့ နေသားတကျဖြစ်ချင်တယ်

ငါတို့ ထမင်းနပ်မှန်ချင်တယ်

ငါတို့ အိမ်စစ်စစ်လေးနဲ့ နေချင်တယ်

ငါတို့ ကျောပြင်တွေ အိပ်ရာနံ့ရှူပါရစေ

ငါတို့ ခေါ်င်းတွေ ခေါင်းအုံးစစ်စစ်မှာတင်ထားချင်တယ်

ငါတို့ စိတ္ခ်လက္ခ် တစ်ရေးလောက်အိပ်ပါရစေ

ငါတို့ အိပ်မက်တွေက လန့်လန့်မနိုးထပါရစေနဲ့

ငါတို့ မွေးတုန်းကအတိုင်း အင်္ဂ ါခြေလက် စုံနေချင်တယ်

ငါတို့ အင်္ကျ ီ လုံချည် လုံခြုံအောင် ၀တ်ပါရစေ

ငါတို့ နေရောင်ခြည်စစ်စစ် လှုံချင်တယ်

ငါတို့ လေပြည်ညင်း ၀၀ ရှိုက်ချင်တယ်

ငါတို့ မျက်စိတွေ အမြင်ပြန်တည့်ပါရစေ

ငါတို့ နား၀မွာ ပြတင်းတံခါး လုပ်ပေးပါ

ငါတို့ မျက်ရည်တွေ ခြောက်သွေ့ခွင့်ပေးပါ

ငါတို့ လမ်းကောင်းကောင်းလျှောက်ပါရစေ

ငါတို့ ခြေထောက်က ကြိုးတွေ ပြန်ဖြုတ်ပေးပါ

ငါတို့ အကြောက်တရားကို နှစ်သိမ့်ပေးပါ

ငါတို့ ဦးနှောက်တွေအားသွင်းပါရစေ

ငါတို့ အသိစိတ်တွေ ပြန်လွှတ်ပေးပါ

ငါတို့ အဆုတ်တွေ လေတိုက်ပါရစေ

ငါတို့ နှလုံးသားတွေ ဆေးခွံ့ပါရစေ

ငါတို့ စိတ်အနာတွေ ဆေးထည့်ပေးပါ

ငါတို့ မိသားစုပန်းချီမှာ ဆေးရောင်စုံပါရစေ

ငါတို့ ကောင်းကင်ကြီးတွေ ပြိုမကျပါရစေနဲ့

ငါတို့ ယမ်းနံ့တွေ မရှူချင်တော့ဘူး

ငါတို့ ကြဲရွ ပြိုလဲသံတွေ မကြားချင်တော့ဘူး

ငါတို့ လရောင်အေးအေးမှာ တေးသီချင်းဟစ်ကြွေးချင်တယ်

ငါတို့ မြေမှာ ငါတို့ ပျိုးကြဲပါရစေ

ငါတို့ ပြည်မှာ ငါတို့ ရင်ဖွင့်ပါရစေ

ငါတို့ သစ်ရိပ် ဝါးရိပ်မှာ ငါတို့ အရိပ်ခိုပါရစေ

.လိုချင်တယ်

.ပါရေစ

တောင်းဆိုမှုတွေဟာ ငါတို့ ဂီတလား

ရလိုမှုတွေဟာ ငါတို့ကဗျာလား

ပေးဆပ်နေရတာတွေဟာ ငါတို့ သမိုင်းလား

အမြင် အကြား အတွေးတွေ ဆေးမတိုးသေးသရွေ့

ငါတို့ မွေ့လျော်ချင်တဲ့ ဘ၀ဟာ

ညည်းသံတအူအူကြားမှာပျောက်ဆုံးခဲ့ရ

မညီမွ်တဲ့ အမျှအတန်းမှာ အမျှသံတွေဟာဆိတ်ငြိမ်တယ် ။

                 ရတုသစ်

    (22-01-2013 /12:41pm )

 ***ရဲရင့်လမင်း ပေးထားတဲ့ခေါင်းစဉ်အောက်မှာ ညည်းတွားမိခြင်း***