မျက်လုံးကလေးပင့်ကြည့်လိုက်တာ
မေးလေးငေါ့ပြလိုက်တာ
မျက်စောင်းလေးခဲ ပြလိုက်တာ
အံလေးကြိတ်ပြလိုက်တာ
ပါစပ်လေးတင်းတင်းစေ့ပြလိုက်တာ
ဖနောင့်လေးစောင့်ပြလိုက်တာ..စသည်.. ။
အဲဒီအမူအယာတွေကြား
ဘယ်သူက ဝေဝါးခိုင်းလို့လဲ
ကိုယ့် ခမဲနဲ့ကိုယ် ကြိုးကွင်းစွပ်လို့
မလွတ်လပ်သေးတဲ့ စိတ်ကူးအိမ်ထဲ ။
တိမ်မယောင်နဲ့ နက်နက်လာတဲ့ ရင်ဘတ်ဟာ
အသံစာစာမမြည်နိုင်တော့လောက်အောင်ဖြစ်ခဲ့ရ
အဲဒါ ရင်ကွဲနာကျတာလား ..မေမေ ။
အဖြေရှိပြီးသားမေးခွန်းကို ပြန်ပြန်မေးခံရတဲ့အခါ
လွယ်တာပေါ့..ရယ်တာပေါ့ နဲ့ပဲ ဖြေခဲ့ကြ
အကျအနများတဲ့ မေးခွန်းကို ခဏခဏပြန်မေးတတ်ကြမှန်း
စာမေးပွဲခန်းအပြင်ရောက်မှ သိခဲ့ပေါ့ ။
ချော်တောငေါ့ ခဲ့တဲ့ အတိတ်ဟာ ဆိတ်သားရေ
အောင်မြင်မှုဆိုတဲ့ဆင်သေကအရင်အတိုင်းအောင်မြင်မှုခေါင်းစဉ်အောက်မှာ
ဘယ်လောက်ကြာကြာစောင့်ရမှာလဲ..
မဖြေဘဲနေလို့မရတဲ့ ပုစ္ဆာတွေထဲ
ကိုယ့် အတ္တကို မဲပေးခဲ့ပါတယ်..။
ရတုသစ်
1 comment:
မေျဖပဲေနလုိ႕မရတဲ့ ပုစၧာေတြထဲ
ကုိယ့္ အတၱကုိ မဲေပးခဲ့ပါတယ္.... :)))
Post a Comment