မောဟနဂ္ဂတစ်နဲ့ရောမွှေထားတဲ့ညဖျော်ရည်ခွက်များ

အာလူးသီး စားခဲ့ဖူးတယ်

ဗင့်ဆင့်ဗင်န်ဂိုးကို မသိဘူး ။

The Iron Lady ဇာတ်ကားကြည့်ဖူးတယ်

မာဂရက်သက်ချာကို မသိဘူး ။

Take me to your heart ကို နားဆင်ဖူးတယ်

မိုက်ကယ်လန်းကို မသိဘူး ။

တက္ကနော်လော်ဂျီနဲ့ဒေါ်လာအများကြီးချမ်းသာသူအကြောင်းဖတ်ဖူးတယ်

ဘီလ်ဂိတ်ကို မသိဘူး ။

အပေါင်း ၊အနှုတ် ၊အမြှောက် ၊အစား တွေ သင်ခဲ့ဖူးတယ်

ပိုက်သာဂိုးရပ်စ်ကို မသိဘူး ။

ပလေးတိုး နိဒါန်း ဖတ်ဖူးတယ်

ဆော့ခရတ္တိကို မသိဘူး ။

မြေမီးခွက်များ ညှိထွန်းဖူးတယ်

အိုရှိုးကို မသိဘူး ။

လှိုင်းတွေ စီးဖူး/နစ်မြုပ်ဖူး/ကျော်ဖြတ်ဖူးတယ်

တော်ဖလာ ကိုမသိဘူး ။

Facebook သုံးခဲ့/သုံးဆဲ/သုံးဦးမယ်

ဇူကာဘတ် ကိုမသိဘူး ။

၁၄၄ ။ ၂၀၅ စတဲ့ ပုဒ်မတွေ လေ့လာဖူးတယ်

ဥပဒေကို မသိဘူး ။

ကဗျာရေးခဲ့/ရေးဆဲ/ရေးနေဦးမယ်

ကဗျာကို မသိဘူး ။

လက္ခဏာရေးသုံးပါးကို ဆင်ခြင်ဖူးတယ်

အနိစ္စ ၊ဒုက္ခ ၊ အနတ္တကို မသိဘူး ။

သစ္စာလေးပါး အကြောင်းမှတ်သားဖူးတယ်

သစ္စာကို မသိဘူး ။

နာရီအမျိုးမျိုးကြည့်ခဲ့ဖူးတယ်

အချိန်ကို မသိဘူး ။

မသိတဲ့အကြောင်းတွေအများကြီးဆိုတာ မသိဘူး

ငါ ၊သူတစ်ပါး ၊အမျိုးသား၊အမျိုးသမီး ၊ နပုံး ပဏ္ဍုက်ဆိုတာလည်း မသိဘူး

မင်း/သင်/နင်/ဒင်း/သင်း/ခင်ဗျားကိုလည်း မသိဘူး

ငါ /ကျွန်တော်/ကျွန်ုပ်/ကျုပ်ကိုလည်း မသိဘူး

သူ/ဟိုဒင်း/ဟိုသင်း/အ၀ှါ /ဟိုဟာ ကိုလည်း မသိဘူး

ရှင်းရှင်းပြောရရင် မသိဘူးပြောပြောနေတဲ့

မသိဘူး ဆိုတာ ကြီးကိုလည်း မသိဘူး ။

ဘူးတစ်လုံးဆောင် အိုတောင်မဆင်းရဲ ဆိုတဲ့အတိုင်း

ဘူးကွယ်ငြင်းနေရင်း

ဘူးလေးရာ ဖရုံဆင့်လာခဲ့မှန်းလည်း မသိတော့ဘူးးးး ။

ရတုသစ်

22042013

နေ့ ၁း ၁၅ နာရီ