အတွေးတွေထဲ
ရီဝေမူးနောက်
မင်းဘယ်ရောက်နေ
လွမ်းမပြေသေး
ညဆွေးလေး...။
တိတ်ဆိတ်လေးလံ
အတွေးပြန်လွှင့်
ကျွမ်းရင်နင့်မိ
နွမ်းရိရိ ငေး
လကွယ် တေး ။
အဆွေး တေးသီ
နွေပလီထဲ
ရင်နာမြဲသာ
လွမ်းဒဏ်ရာသွေး
ရူးရင့် ဆွေး ။
မှေးစက်ပျော်ဘူး
ညှိုးလျော် ခွေယိုင်
အသည်းစိုင် တွင်း
သွေ့ခြောက်ရင်း တွေး
ညရင့် ဝေး။
ဖြေဆေးပေးပါ
မေ့နေမှာလား
မစဉ်းစားရဲ
ရှင်ကွဲကွဲ တေး
ငိုရင်း ရေး ။
ရတုသစ်
၀၄၀၄၂၀၁၃
မနက်၁၂း၅၀နာရီ
No comments:
Post a Comment