စိတ်စပရိန်ကိုနှိပ်ထားရတော့
ဘ၀က
နှိပ်ချမှုအောက်ကျိုးနွံသေ၀ပ်ခဲ့
အလွတ်တန်းလျှောက်နေတဲ့ကြိုးမို့
ခြေမကျိုးအောင်ဂရုစိုက်နေရ
အကျမနာအောင် နိမ့်နိမ့်လေးပဲ လျှောက်ရမလား ။
ကြိုးစားသမျှအရာထင်ကျန်ရစ်ဖို့
ရင်ဘတ်ကိုခပ်နက်နက်လှီးဖဲ့ထားရပေါ့
ဆန်းပြားတဲ့လောကဓံသတ်ကွင်းအလယ်
ငါ ၀ယ်မရခဲ့တာ ကိုယ်ချင်းစာတရားများ...။
အသွားမတော်သူလမ်းမှားပြဖို့
လောကကြီးက ဗီလိန်ဆန်လွန်းတယ်
ရေမွန်းသူ ခဲဆွဲချဖို့
လောကကြီးက အာဏာပါးကွက်သားဆန်လွန်းတယ် ။
တွန်းတွန်းထိုးထိုး တိုးတက်ရတဲ့အခါ
ခြစ်ရာ ပွန်းရာတော့ ရွိမွာပဲ
သဲလည်းစင် ခြောက်ပစ်ကင်းရှာမယ်ဆို
ငါကိုချန်ထား ရစ်ခဲ့ပါ
အပြစ်အနာအဆာကြား ကြီးပြင်းရတော့
အလင်းမှာချည်း ငါမရှိနိုင်ဘူး
တူးစိုက်ထားတဲ့ မှတ်တိုင်တိမ်တိမ်မှာ
အိပ်မက်ဟာ တိမ်ထဲမှာပဲ အိမ်တစ်လုံးဖြစ်သွား
ခမ်းနားခြင်းများက
ဟိုး..ရှေး ရာဇ၀င်တွေထဲမှာ...။
ရတုသစ်
(15032013 / နေ့ 9း 45နာရီ )
No comments:
Post a Comment