ကမ္ဘာဟောင်းကိုပြန်မသွားချင်ဘူး
တွေ့မြင်နေကျအဖြစ်အပျက်တွေ
ကျောက်ခေတ်ဆန်လာတယ်
အမှန်တရားဟာ
ကျောက်ဖြစ်ရုပ်ကြွင်းတွေထက်
တွက်ချက်ရခက်တဲ့ ကလိယုဂ်ခေတ်မှာကျန်ခဲ့သလား
ရေလိုက်ငါးလိုက်နေပြနေတာတောင်
ရေစုန်မျောအောင် မျှောပစ်ချင်နေသူတွေထဲ
အသည်းလည်းကောင်းမပြတော့ဘူး
ပွဲလည်းတောင်းမပြတော့ဘူး
ကိုယ့်ယုံကြည်ရာနဲ့ကိုယ်ရူးသွပ်ရင်း
နှလုံးသားရဲ့သီချင်းသစ်ကိုပဲနားဆင်မယ််
ဖြစ်ချင်ရာဖြစ်ပါစေတော့
သစ်ချင်ရာသစ်ပါစေတော့
ငါ့ ရင်မြေကို လာမကျူးကျော်ရင် ပြီးပြီ ။ ။
ရတုသစ်
No comments:
Post a Comment