တနင်္ဂနွေညနေတစ်ခုမှာ"ပွဲသိမ်းတေးသံ" နှင့်
အတူကခုန်ခြင်း
စနေကိုပြန်၀င်စားတဲ့
တနင်္လာရဲ့သန္ဓေသားနေ့ပေါ့
"ရော့..ပတ္တမြား..ရော့..နဂါး " ဆက်ဆံရေးကြား
နဂါး/ဂဠုန်/က်ား ဘာကိုရွေးရွေး
ပြန်ပေးဖို့ပတ္တမြား မရှိသေးဘူး ။
ပေးထားတာနဲ့ ရရှိလာတာ
ဘယ်လိုမှ
အကွာအဟညှိမရတဲ့အခါ
ငါတို့လည်ပင်းတွေပေါ်က ဓားတွေပဲ
ထက်ရှ စူးနစ်လာတယ် ။
တစ်သက်တစ်ခါ သေရမယ့်အရေးလောက်နဲ့
ဘာကို ကြိုတွေးပြီး ကြောက်နေမလဲ
ဗြောက်ဖောက်ဖို့စဉ်းစားပြီးရင်
အသံလွင်နေမယ့် ဗြောက်ကိုရွေးမှဖြစ်မယ်
ဖုန်ထရုံလောက်ပဲ ကြံစည်ထားတယ်ဆို
စနက်တံကို ရေစိမ်ပစ်လိုက်တာအကောင်းဆုံးပဲ ။
ကဗျာ၀ဲမှာ မြှုပ်ထားပြီးမှတော့
နောက်ထပ်ရောက်လာမယ့် ယားနာ ကို
ထပ်ကုတ်နေစရာ မလိုတော့ဘူး
အဲဒီလောက်ထိ
ရူးရူးသွပ်သွပ်ပစ်ယုံလိုက်မိရဲ့ ။
နတ်ကြိုက်ကြိုက် /မကြိုက်ကြိုက်
နတ်လိုက်လိိုက် /မလိုက်လိုက်
ငါ့ အကြိုက်ဟာ ငါ့ ဘ၀
ဘယ်စောဒကကြောင့်မှ နောက်ပြန်မလှည့်တော့ဘူး ။
မော့သောက်ထားတဲ့ ကဗျာတစ်ခွက်နဲ့
ခရီးဆက်ဖို့အသင့်ပြင်
ငါ့ ၀ိညာဉ် တောင်ပံတဖျတ်ဖျတ် ခတ်ခဲ့ပြီ ။ ။
ရတုသစ်
No comments:
Post a Comment