__________________________________
မျက်ရည်ဖြိုင်ဖြိုင်ကျအောင် ရယ်မောပြီး
လက်သီးကိုပဲ တင်းတင်းထပ်ဆုပ်ထားလိုက်ကြတယ်
ဒင်းတို့က ဘာသားနဲ့ ထုထားတာမို့လဲ
အဓမ္မဝါဒီတွေရဲ့ မေးရိုးတွေကို တစ်စစီချိုးပစ်ဖို့
နာကြည်းစိတ်ကို မိုင်ကုန်လွှတ်ပေးထားလိုက်ကြတယ်
တစ်နေ့တစ်လံ ကျည်ဆန်ဘယ်ပြေးမလဲ
အရှင် မထွက်ချင်သူတွေရဲ့ မိုက်ဇာတ်ကိုသိမ်းပေးဖို့
သံသရာရဲ့နောက်ဘီးကျွံချိန်ကလည်း နီးပါပြီ
မျက်လုံးတွေ ရဲရဲနီအောင် ရယ်မောပြီးတဲ့နောက်
ဒီဇာတ်လမ်းကို ရိတ်သိမ်းနိုင်တဲ့သူဟာ
ပြည်သူက လွဲပြီး အခြား မရှိပါဘူး
ပေါက်နေတဲ့ နဖူးတွေနဲ့ပဲ
မိစ္ဆာတံတိုင်းတွေ မပြိုမချင်း ဆက်တိုက်နေကြတယ်။
#ရတုသစ်
31082022
5:53PM
No comments:
Post a Comment