ဒီနေ့..အဖေ အိမ်ပြန်တာ..စောလွန်းတယ်...

* "ဘ၀ဆိုတာ ဖြောင့်ဖြောင့်သွားလို့မရရင်..

   ကွေ့ကောာက်ပြီးသွားရတယ်...

   ဘယ်တော့မှ ဘ၀ကို တသမတ်တည်းမမှတ်နဲ့" တဲ့့

   အဖေ  ပြောခဲ့ဘူးတယ်...။

*အဖေ ဘယ်လိုသွားတယ်ဆိုတာ ကျွန်တော်မမြင်လိုက်ရ

   ဖြောင့်ဖြောင့်တန်းတန်းလား ?

   ကွေ့ကွေ့ကောက်ကောက်လား ?

   ဘ၀ကိုတသမတ်တည်း မမှတ်ခဲ့တဲ့ အဖေ.

   လောကရဲ့ တသမတ်တည်းသောနောက်ဆုံးလမ်းပေါ်မှာ...။

* ဆူညံသံတွေတိတ်ဆိတ်..သက်ငြိမ်

   ခပ်ကြိတ်ကြိတ် ငိုကြွေးနေတဲ့ အမေနဲ့..

   အမေ့ရဲ့သား သမီးများ..

   အဖေကိုယ်တိုင်လက််တွဲခေါ်ခဲ့တဲ့ အဖေ့ရဲ့လက်ရုံးများပေါ့..

* ပြောရဦးမယ်..အဖေ

   အခုတလော..မိုး ခဏ ခဏ ရွာနေတယ်...

   မိုးရေလည်း ချိုးဖြစ်တယ်..အရင်လိုပါပဲ..

   အဖေ သင်ပေးခဲ့တဲ့ ကိုင်ဇာရဲ့" မိုး "သီချင်းကိုမဆိုရုံလေးပါပဲ...

   ဒီမှာလေ..အဖေ

   ဓားတစ်လက်နဲ့ အုန်းသီးတစ်လုံး

   ကျွန်တော်တို့ကိုပြုံးကြည့်နေတယ်..

   အုန်းသီးခွဲပေးမယ့် အဖေက ဘယ်မှာလဲ?တဲ့

   ကျွန်တော်တို့ဘာမှ မပြောနိုင်ခဲ့...

   အဖေမရှိတဲ့ အိမ်ထောင်တစ်ခုဟာ..ဒီလိုပဲ..

   မထီမဲ့မြင်ပြုခံရတတ်သလား.?.အဖေ...။

* အခုတစ်လော..ကျွန်တော် သီချင်းတွေကို ကြောက်တတ်လာတယ်..

   ကိုလေးဖြူရဲ့ "အဖေ" သီချင်းကြားရင်သိမ်ငယ်တယ်..

   ဓီရာမိုရ်ရဲ့ "အိမ်"သီချင်းကြားရင် မချင့်မရဲဖြစ်မိ

   ရဲလေးရဲ့ ရှိုက်သံသဲ့သဲ့နဲ့ "အိမ်"သီချင်းကိုလဲ မကြားရဲဘူး...အဖေ

   အဖေဟာ ဖီးနစ်ငှက်လိုမျိုး မဟုတ်ဘူးဆိုတာ သိလေ

   အေဖ့ ကို ပြန်လာစေချင်လေပဲ...။

* သခင်ပျောက်သွားတဲ့ အိမ်ဦးခန်းလေးဟာ

   အဖေ့အငွေ့အသက်နဲ့လဲလျောင်းနေပေါ့..

   ချော့ချော့မော့မော့နဲ့ပြောနေတဲ့ နောက်ဖေးခန်းကအမေ့ရဲ့အသံတွေ

    ကြားနေရတာ ရင်ဘတ်နဲ့မဆန့်တော့ဘူး..

    ညီလေးကကျောင်းမတက်ချင်တော့ဘူးတဲ့

   ညီမလေးကလည်းအရယ်အပြုံးမဲ့နေတာ ကြာပြီ

   ဒီလိုတွေ ဖြစ်လာမယ်ဆိုတာ မသိခဲ့လို့လား.?..အဖေရယ် ။

* အဖေ့အပြန်ကိုစောင့်ရင်း အဖေ့လက်တစ်ဖက်စီမှာ ခိုဆွဲဖို့

   အိမ်အ၀င်ပေါက်ဆီကြည့်ကြည့်နေတတ်တဲ့မျက်၀န်းလေးများ

   ဘယ်လို အင်အားနဲ့လင်းလက်တောက်ပစေရမှာလဲ?

   ဘ၀သင်္ခန်းစာတွေ မနိုင်မနင်းနဲ့ကျွန်တော်တို့ကို

   လောကအလယ်မှာ လူအ အိပ်မက်မက်သလိုအဖြစ်မျိုးနဲ့ထားရစ်ခဲ့

   စိတ်ချနိုင်ခဲ့လို့လား.?..အဖေရယ်...။

* ကကြိုးပျောက်သွားတဲ့ရုပ်သေးရုပ်လေးများလို

   ကစဥ့်ကလျား ယိမ်းထိုးလို့နေတဲ့ ကျွန်တော်တို့..

   ဘယ်လိို ကကွက်နဲ့ရှေ့ဆက်ကပြရမှာလဲ?

* ခဏ ခဏ ငိုရလွန်းလို့မျက်ရည်ရဲ့စီးဆင်းရာလမ်းကြောင်း

   ရင်ဘတ်မှာ ပြောင်းခဲ့ ပြီ..အေဖ..

* ရီေ၀ေ၀နဲ့ အိမ်ပြန်ချိန်နောက်ကျတိုင်း

   "ဒီနေ့ ..အဖေ အိမ်ပြန်တာနောက်ကျတယ်ကွာ "လို့ ပြောတတ်တဲ့ အဖေ.

   အခုတော့.....

   လောကရဲ့ဧည့်သည် တစ်ယောက်အဖြစ်

    ခြားနားခြင်း မြစ်တစ်ဖက်ကမ်းဆီ ကူးခပ်သွားခဲ့

   ဦးခင်၀မ်း ရဲ့" နှုတ်ဆက်ခဲ့ပါတယ်"သီချင်းလေးညည်းနေမလား..မသိ...။

* မျက်ရည်ပြည့်နေတဲ့ရင်ဘတ်နဲ့

   ၀မ်းနည်းပက်လက် ကျွန်တော်ပြောနေမိတယ်...

   "ဒီနေ့..အဖေ အိမ်ပြန်တာ စောတယ်..

   အိမ်ပြန်တာ စောလွန်းပါတယ်."..အဖေရယ်...။

-----------------------------------------------------------------

***အဖေမရှိတော့တဲ့ သား /သမီး များအတွက်ရည်ညွှန်းပါသည်...။

ရတုသစ်

( 28/8/2012...9:04 Pm)