အတင်းအဖျင်းပြောတတ်လာတဲ့လေညင်းက
မနက်ခင်းမပီဝိုးတ၀ါးမှာ
ရင်ကြားစေ့လက်ကျန်အလွမ်းနဲ့
နွမ်းရော်နေတဲ့ရွက်ဝါတွေအတွက်
နှုတ်ဆက်ခွဲခွါခြင်းရသကို
ခပ်ဖွဖွလေးထိုးထည့်လိုက်တယ်..။
ငိုရှိုက်သံမဲ့အလင်းတံခါးများလည်း
နာကြားလွဲသွားတဲ့အာရုဏ်ဦးကြယ်နီရဲ့
ပြီတီတီလမ်းခွဲအနမ်းမှာ..
လန်းဆန်းခြင်းကင်းမဲ့နေပေါ့..။
နေရစ်တော့..နှင်းရေ..
မိုးလင်းဖို့နောက်ကျနေတဲ့..ညတာရှည်မှာ..
မျက်ရည်နဲ့လမ်းခွဲနှုတ်ဆက်..
သန်းခေါင်လွန်အိပ်မက်က..နိုးနိုးချင်း
အလွမ်းသီချင်းသံသဲ့သဲ့...
ဥသြရဲ့ရင်ဘတ်ကလွင့်ပျံ့လာခဲ့ပြီ..။
ဆေးလိပ်တစ်တိုနဲ့..ဂစ်တာအိုလေးအကြောင်း...
ရှေးဟောင်းခေါင်းလောင်းတစ်လုံးက..အမုန်းမဲ့ကျိန်စာလေးတစ်ပိုဒ်အကြောင်း..
ခေတ်ပြောင်းကာလမှာ..ကြိုက်မိနေသေးတဲ့..တေးဟောင်းတစ်ပုဒ်အကြောင်း..
ဆောင်းနှောင်းကာလရဲ့..ကြေကွဲဖွယ်လင်္ကာလေးတစ်ပိုဒ်အကြောင်း..
ဟိုအကြောင်း..ဒီအကြောင်းနဲ့
အရာရာအကြောင်းကြာင်း..သောင်းပြောင်းထွေလာ..
အချိုရှာသကာမတွေ့တဲ့..လူခါးခါးတစ်ယောက်ရဲ့
မတောက်တခေါက်အပေါစားအလွမ်းကို
ဘယ်အခန်းကစပြီးဆင်ဆာဖြတ်ရမလဲ..မသိ..။
ပိတောက်နဲ့ဖွင့်မှပွင့်မယ့်နွေတံခါးက
တွားသွားသတ္တ၀ါတစ်ကောင်လို...
ရွေ့လျားလို့လာနေပြီ..နှင်းရယ်..။
ကော်ဖီခါးခါးတစ်ခွက်ကို..
မက်မက်စက်စက်သောက်လေ့ရှိတဲ့
အမေ့ခံလူသားတစ်ယောက်ရဲ့
ရွက်ခြောက်ကြွေရင်ခွင်ဟာ..
ပျော်ရွှင်ခြင်းကင်းမဲ့နေလဲ
ဥသြရဲ့အလွမ်းခါးခါးနဲ့
နွေဦးဆီ..နှစ်ပါးသွားရတော့မယ်..။
သိမ်းဆည်းထားတဲ့သံယောဇဉ်အကြွင်းအကျန်တွေကို
ဆောင်းတမန်တို့ကိုယ်ယောင်မဖျောက်ခင်..
မြောက်ဝင်ရိုးစွန်းမှာ..သွားထားချင်တဲ့စိတ်ကို
ကြိတ်မှိတ်ဖြေသိမ့်ရင်းပေါ့..နှင်းရယ်..။
အလွမ်းမကင်းသေးတဲ့ဘ၀မို့..
ခပ်မျှင်းမျှင်းရှိုက်သံတွေ..ပေကျံနေပါစေ..
နှင်းကို..လွမ်းတဲ့စိတ်တစ်ခုထဲနဲ့
ကိုယ့်အသဲကို..ပြန်ကြည့်နေဆဲပါပဲလေ..။
....YATU THIT.....
No comments:
Post a Comment