အမေထာ၀ရပြုံးနိုင်စေ..

*အမေပြုံးလျှင်...

  အာကာပြင်၀ယ် ၊ကြယ်စင်မလက်

  လမထွက်လည်း ၊ ညဥ့်နက်မှောင်မဲ

  ဖြတ်ကျော်ရဲသည်...

*အမေပြုံးလျှင်...

  ဘ၀ပင်လယ် ၊ ကမ်းမြင်ဖို့ရေး

  ဘယ်လောက်ဝေးစေ ၊မနှေးကူးခတ်

  ကမ်းသို့်ကပ်မည်...

*အမေပြုံးလျှင်...

  ကမ်ဘာပြင်ရှိ ၊ အမြင်ဆိုးဝါး

  နေရာများလည်း ၊တအားလှပ

  တင့်တယ်ကြသည်...

*အမေပြုံးလျှင်...

  ပတ်၀န်းကျင်က ၊မြင်မြင်သမျှ

  တိုက်ခိုက်ကြလည်း ၊တုပမနေ

  ကျောခိုင်းနေမည်...

*အမေပြုံးလျှင်...

  အောင်ပွဲဆင်မည့် ၊ ပန်း၀င်နေရာ

  လွန်ဝေးကွာလည်း ၊ လှမ်းကာ ခဏ

  ယူနိုင်ရမည်...

*အမေပြုံးလျှင်...

  ဒီမြေပြင်ထက် ၊ရွှေစင် စိန်ခင်း

  ပေးဆက်နှင်းလည်း၊ အလျင်း မလို

  ငြင်းဆန်ဆိုမည်...

  ငါလိုချင်မိ ၊ အချိန်ရှိတိုင်း

  နုအိညံ့သက်၊ မေ့ ပါးထက်မှ

  ဝါညက်လူးထား ၊သနပ်ခါးနှင့်

  စိတ်ထားမွန်မြတ် ၊ အပြုံးဓာတ်သာ

  လွှမ်းပတ် သိမ်းစု ၊ ရလိုမှုကို

  မြေထု ရေထု ၊သက်သေပြုလျက် 

  မြတ်ဆုမွန်ခြွေ၊ တောင်းဆုဝေမည်...

  အေမ..ထာ၀ရပြုံးနိုင်စေသော၀် ..။

                      ရတုသစ်