နန်းတော်ရှေ့သို့...ခြင်္သေ့လည်ပြန်အလွမ်း

*အညတရလူတစ်ယောက်က..                                                              

  အထမမြောက်သေးတဲ့ကြံစည်မှုတွေနဲ့...                                              

  ဖန်တရာတေနေတဲ့...စိတ်ကူးယဉ်အိပ်မက်တွေ...တူးဆွရင်း...              

  ချဉ်ခြင်းတပ်နေတဲ့...အာသာဆန္ဒတွေကို...                                          

  နေညိုချိန်တိုင်း...ခြစ် ခြစ်ချနေရ..။                                                     

*ပြောင်းပြန်စီးဆင်းမှု... သီအိုရီတွေအတိုင်း                                           

  ငါ့ ..တံတိုင်းတွေ..တစ်ဖက်ခြားအထိ...                                                

  ကပ်ငြိ...ခိုတွယ်..ဆန်တက်လာခဲ့                                                   

  ဝါသနာတစ်ခုရဲ့တွန်းအားက..                                                              

  အခြား..အခြားသော..လူအချို့နဲ့

စည်းတစ်ဖက်ခြားနားသွားစေခဲ့ပေါ့...။ 

*ကော်ဖီခါးခါးတွေရယ်...                                                                       

  လွင့်ပါ့းနေတဲ့...အတွေးတွေရယ်..                                                         

  ဖလှယ်...ပေါင်းကူးရင်း                                                                        

  လေပြေညင်း..လန်းလန်း ဆတ်ဆတ်ကို..                                              

  အစိမ်းလတ်လတ်မျှောချဖို့..အတွက်...                                                  

  ငြိမ်သက်တဲ့..ရေညိုညိုရပ်၀န်းဆီ...                                                      

  အလွမ်းတွေ...မွန်းတည့်..တည့်နေတယ်...။                                           

*အိန္ဒြေကြီးတစ်ခွဲသားနဲ့                                                                     

  သမိုင်းပါး၀နေတဲ့...နန်းတော်ရှေ့ဆီ...                                                  

  ငေးရီ...မျှော်မှန်းမိတိုင်း...                                                                    

  အရိုင်းဆန်ဆန်...နှလုံးသားက..တဆတ်ဆတ်..တုန်...                          

  လုံခြုံမှုအားနည်းတဲ့...ရင်အစုံဆီ...                                                       

  ပုံရက်လဲကျ...လေပြေအချို့နဲ့..အလွမ်းသင့်မြင်လွှာများ..                        

  အပြေးအလွှား...ရောက်ရှိလာခဲ့..။                                                         

*လှမ်းခဲ့ချင်ပါတယ်...နန်းတော်ရှေ့ရေ...                                                

  လေပြေတစ်ချက် ဝှေ့တိုင်း...ရောက် ရောက်နေတဲ့..အလွမ်းများ..            

  တံခါးမရှိ ဓားမရှိ...နှင်နေမိပေါ့..။                                                        

*ရင်ခွင်ကို..ပြန် ပြန် တူးနေမိတဲ့...အချိန်တိုင်း..                                      

  ကဆုန်စိုင်းပြေးလာချင်မိတဲ့..စိတ်တေလေကို                                         

  ဘယ်လို.မန္တာန်တွေနဲ့..အိပ်မွေ့ချထားရမလဲ?..                                     

  သိမ်မွေ့မှုနဲ့..ဖြည့်စွက်ထားတဲ့..မြနန္ဒာ...                                              

  မာယာမပါတဲ့..မင်းအလှမှာ..ငါ နစ်မွန်း...                                              

  နေ၀န်းနီ..အကြိမ်ကြိမ် ယွန်းတိုင်း...                                                     

  ခွန်းတုံ့သံ..တိုးတိတ် ဖလှယ်ဖို့...                                                           

  ခြင်္သေ့လည်ပြန်အလွမ်းနဲ့..ငါ..ကွန်းခိုလှည့်ပါရစေတော့ကွယ်...။            

                                                      ရတုသစ်

                                 ( 10/90/2012---2:15 AM)