အဲဒီနေ့က ဒိုင်ယာရီစာမျက်နှာ..

အဲဒီနေ့က အရင်နေ့လိုပဲမအိပ်လိုက်မိ တစ်ညလုံးလင်းခဲ့

အဲဒီနေ့က ဆရာမောင်ချောနွယ်ရဲ့ငှက်ဆိတ်တဲ့သစ်စည်း လေးကို လုခဲ့တယ်

အဲဒီနေ့က ညီမင်းေ၀ရဲ့'' ဟိုး" ကဗျာကိုဖတ်ရင်း ကိုယ်တိုင် ''ဟိုး " ဖို့သတိရလိုက်မိ

အဲဒီနေ့က မင်းနဒီခရဲ့'' ပိုးပိုးလေး" ကို ဘာရယ်မဟုတ် တွေးကြည့်နေမိတယ်

အဲဒီနေ့က ထွန်းလင်းသစ်ရဲ့ "ချင်း "ကဗျာကိုလေးခေါက်မြောက်ပြန်ဖတ်သေးရဲ့

အဲဒီနေ့က"လင်းလက်တာရာဆီလှမ်းပို့လိုက်တဲ့ကဗျာ"ကို"Open form မှတစ်ဆင့်"နားထောင်ဖြစ်တယ်။

အဲဒီနေ့က " ကြီးကြီးကျယ်ကျယ်ကဗျာ " ဖတ်နေတုန်း မီးပ်က္သြားတာ စိတ်ညစ်စရာကောင်းလွန်း

အဲဒီနေ့က ၀ိုင်၀ိုင်းရဲ့ ''့ဖြူစင်သောအလွမ်း"သီချင်းကို youtube ကေနခံစားမိခဲ့

အဲဒီနေ့က တိုက်တိုက်ဆို်င်ဆိုင်ပဲ '' အနိစ္စ" သဘောလေးတွေးမိတယ် ။

အဲဒီနေ့က ညီငယ်တစ်ယောက်ရဲ့မွေးနေ့အတွက်ဆုတောင်းပေးခဲ့တာအမှတ်တရပေါ့

အဲဒီနေ့က ဖြတ်မရတဲ့ဝါသနာအတိုင်း ဦးတိုးကြီးရဲ့''မဟာဆန္သူ"လေးညည်းခဲ့မိ

အဲဒီနေ့က ဘာမှမသိချင်သူတစ်ယောက်ရဲ့အတွေးတွေ ကိုကော်ပီကူးခဲ့တယ် ။

အဲဒီနေ့က ဗိုလ်ချုပ်အောင်ဆန်းကြေးရုပ်ကိုမီးထွန်းမယ့်အကြောင်းတစေ့တစောင်းသိလိုက််ရ

အဲဒီနေ့က မောင်ရင့်မာ(ကျောင်းကုန်း)ရဲ့'' လရောင်ရွာတဲ့ရွာ "'ကိုမ၀ယ်ဖြစ်ခဲ့ပါ ။

အဲဒီနေ့က ''ကမာငယ်လေး''ထဲကို စိတ်လိုလက်ရ၀င်ရောက် မွှေနှောက်ခဲ့သေးတယ်။

အဲဒီနေ့က လူခါးရဲ့ ''အိမ်ပြန်ချိန်" ကိုဖတ်ပြီး အိမ်ပြန်ဖို့ မေ့လျော့နေခဲ့မိ

အဲဒီနေ့က ညရဲ့အဆိပ်မိသူဟာဘယ်သူလဲ လို့ကိုယ့်ကိုယ်ကိုပြန်မေးမိရဲ့

အဲဒီနေ့က လောကပါလနတ်မင်းတွေကိုတိုင်တည်မိသေးမှန်းသတိရ

အဲဒီနေ့က မင်းကြည်ညိုရဲ့''မောင့်ကျောတံတား "ဆီပြန်လျှောက်ပြီး ရင်ဘတ်အောင့်တယ်။

အဲဒီနေ့က မနက်စာမစားခဲ့မိမှန်း ရေဆာမှ အလန့်တကြားသိရပေါ့

အဲဒီနေ့က အတွေးနယ်လွန်နေလို့ လဖက်ရည်ဆိုင်မထု်ိင်ဖြစ်ဘူး

အဲဒီနေ့က မင်းနဒီခ ရဲ့ဖုန်းဆက်နည်းကိုသင်ယူတတ်မြောက်ခဲ့တယ် ။

အဲဒီနေ့က အစ်မတစ်ယောက်ရဲ့စေတနာက်ို်လျစ်လျူရှုခဲ့မိ

အဲဒီနေ့က ဘာနေ့မှန်းမသိလို့ ပြက္ခဒိန်ပြန်ကြည့်ဖြစ်သေး

အဲဒိီနေ့က ရေးပြီးသားကဗျာတစ်ပုဒ်ကိုစာလုံးပေါင်းပြန်ပြင်ရပေါ့

အဲဒီနေ့က ဘူးသီးကြော်မစားချင်တော့လောက်အောင်အတွေးပွားမိတယ် ။

အဲဒီနေ့က ခပ်တည်တည်နဲ့သက်မွန်မြင့်ကို Like လုပ်ဖို့ Mouse ကို Click လိုက်မိ

အဲဒီနေ့က Nကိုင်ရာရဲ့ '' လေဒီ Nကိုင်ရာ'' အယ်လ်ဘမ် အစ အဆုံးနားထောင်ဖြစ်ရဲ့

အဲဒီနေ့က စံဇာဏီဘိုရဲ့ ဟောစာတမ်းလေးပြန်ဖတ်ရင်း ပြုံးမိတယ််။

အဲဒီနေ့က ပိုက်ဆံကုန်ခါနိီးလို့အမေ့ကို သတိတရလွမ်းဆွတ်မိခဲ့ပေါ့

အဲဒီနေ့က ဘ၀ရှေ့ရေးကို တခုတ္တရ မျှော်တွေးကြည့်မိတယ် ။

အဲဒီနေ့က Statusမှာ ရေးချင်ရာရေးပစ်လိုက်တယ် စိတ်သွားတိုင်း

အဲဒီနေ့က လုပ်နေကျ၀တ္တရားတွေပျက်ကွက်သွားခဲ့တယ်။

ဒီနေ့တော့ စနေနေ့ဆိုပဲ

ကဗျာရေးလို့မဖြစ်နိုင်မှန်း ရင်၀ှက်အခန်းက အချက်ပြပေါ့

မင်ရောင်ခပ်ဖျော့ဖျော့ ဘောလ်ပင်န်ကိုဒီအတိုင်း ပစ်ချထားလိုက်ရတယ်။

                                           ရတုသစ်

                            ( 8-12-2012 12:45 AM )